مسلسل بطولة اعضاء منتدى ستارز

الفكرة دى جديدة كيك

اعتقد محدش عامل زيها

و هيا انى جايب مسلسل من تأليفى

اسم المسلسل : حكايات اية ؟؟ :affraid: :affraid:

و بطولة جميع اعضاء منتدى ستارز الخطير

ارجوا التثبيت

بس محدش يزعل احنا كلنا اخوات هنا

والى هيزعل يقول من دلوقتى

بسم الله هنبدأ

الحلقة الاولى

المشهد الاول

فى اجازة صيف 2009

اعضاء المنتدى متفرقين الى فى السعودية و الى فى مصر و الى فى الامارات

خلصت الامتحانات و طلعنا طاهر و ظاظا و الشرقاوى و طارق و انا

طاهر : يا جدعان حد يعرف الناس الى فى مصر عملوا اية ؟؟

ظاظا : استنى انا هتصل با ابو شادى و اسلم علية

قال اية الواد الى مقطع الى معاه رصيد

و كان الحوار !!

ظاظا : الو ازيك يا ابوشادى

ابوشادى : الحمدلله اخبارك انتا و اخبار العيال

ظاظا : كويسين و بيسلموا عليك .. ها يا باشا فية جديد ؟

ابوشادى : ايوة عايز اجمع كل اعضاء المنتدى فى حتة وحدة
عشان عيد ميلاد المنتدى الاول

ظاظا : انا هكلم العيال و نرد عليك سلام يا مان

و خلصت المكالمة و اخدت 4 ريال
:)

ظاظا : يا جدعان ابوشادى حصلوا حاجة فى عقلوا

كلنا قولنا لية يا عم

ظاظا : بيقولك عايز يجمع المنتدى كلة فى حتة وحدة

طاهر : طب والله فكرة اشطة

الشرقاوى : والله فكرة فل بس فين المكان

بارتيز : والله احنا ممكن نجمع عندى انا نازل السنة دى لوحدى

رحنا مكلمين السفرى و على و حكلناهم على الحوار

و اتقابلنا فى العنود و بعد حكايات كتير وفقنا على الفكرة

و احنا مروحين شفنالك شوية بدو
و شكلهم بيستهبلوا

و ناوين بخناق . قلنا نتخانق يا رجالة قالوا يلا

عزرا على الطويل البقية فى المشهد التانى

منتظر الردود
و لسة اعضاء كتير سيرتهم هتيجى فى الحلقات القادمة

ههههههههههههههههههه....
الحلقه الاولى حلوه ...
الفكره حلوه اووووي يا بارتيز وانشالله هثبتها ...
انشالله هنتابع المسلسل ...

الحمدلله

و على فكرة دورك لسة جاى

مش عايز احرق المسلسل

وانا فين يا عمو
بس مسلسل ملهوش حل

تسلم على الرد يا سمبو

و متخفش خالص انا يا دوب فى اول حلقة

يا جدعان انا كدا هحرق المسلسل

بس كل عضو و لة دورة و هيظيهر فى وقتة

و ياريت تدعوا بقية الاعضاء للمشاهدة و المتابعة

لانهم الابطال

ههههههههههههههههههههههههه

بيس يابرتيز

انا اقولكم باختصار المشهد التاني :

الحلقة التانية ان كل العيال طلعت تجري من الخناقة بدون مبرر طبعا

ههههههههه

وحياتك دا الى كان هيحصل

بس استنى الحلقة التانية

الحلقة التانية

المشهد الاول : فى السعودية

و قولنا هنبدأ الخناقة

نلاقيلك 3 عربيات نزل منها عيال كتير بشوم و مطاوى

و طبعا المصرى معرف بشاجعتة

كلوا فلسع ....

و كل واحد راح بيتوا

و كان الحوار التالى على النت

داخل الشات :

طاهر و ابوشادى و الشرقاوى و سمبو و بارتيز

الشرقاوى : ازيكوا يا شباب
ابوشادى اقتراحك دا جامد

سمبو : اقتراح اية

طاهر : انت معرفتش ابوشادى عايز نفسوا نجمع كلنا فى مصر السنة دى
فى عيد ميلاد المنتدى

بارتيز : يا جدعان لو ممكن تيجوا عندى

ابوشادى : انت فاكر ان كل المنتدى هيقديهم بيت ؟؟

بارتيز : طب انا اعرف ان فية فلل بتتأجر على طريق بورسعيد اسكندريا

طاهر : بيس يا مان طب كلم الليثى يشوف الموضوع

ابوشادى : استنى انا هتصل بية

و بعد مرور 10 دقائق

ابوشادى : انا كلمتة و قالى ايوة هوا يعرف الناس دى
و احنا بس نيجى و هوا علية موضوع السكن دا

سمبو : يعنى دلوقتى نتقابل فى القاهرة ؟؟

طاهر : ايوة اتقابلوا فى القاهرة و احنا هننزل مصر كمان يومين
و هبلغ طارق بالموضوع

_________________________________

المشهد التانى : فى مصر

اتصل السرس بـ ابوشادى يسلم علية

السرس : ابوشادى ازيك يا معلم

ابوشادى : انا كويس ولا فى حوار كدا
هننزل القاهرة كلنا و كل المنتدى هيكون هناك

السرس : و هنعد فين فى القاهرة ؟؟

ابوشادى: الليثى علية السكن بس اهم حاجة نتقابل

السرس : طب اشطة معاكوا

.....

تم تنظيم المسائل

و فى السعودية يوم السفر

طاهر و ظاظا و بارتيز و الشرقاوى و طارق

فى مطار جدة فى انتظار الطيارة

و فأجاة

إذاعة المطار : سيتم تأخير حجميع الرحلات
نظرا لتحطم الطائرة السابقة
التى كانت فى طريقها الى القاهرة

ارجوا من الركاب الهدوء
و انتظار القرار ربنا يحدت تأخر فى المواعيد

ظاظا : لا يا جدعان انا مش عايز اسافر فى طيارة

الشرقاوى : يا ظاظا الى كتبة ربنا هيحصل

طارق : طب هنعمل اية دلوقتى ؟؟

طاهر : والله ما اعرف

بارتيز : هنستنى و ربنا يستر

___________

و فأجاة اتصال من الليثى على تليفون بارتيز

الليثى : الو حبيبى يا ابن بلدى

بارتيز : ليثى يا معلم احنا فى مطار. اية الاخبار

الليثى : كويس انكوا فى المطار لازم تكونوا فى مصر بعد اربع ساعات
لان المكان اكلمت مع صاحبة
و لازم تيجوا

بعد 4 ساعات اذا مجمعناش و دفعنا الفلوس
هيروح مننا و ياخدة حد تانى
و سلام عشان الرصيد

بارتيز : استنى

تيت تيت ييت

__________________

ظاظا : قالك اية ؟؟

بارتيز : لازم نكون هناك بعد 4 ساعات بالظبط

طاهر : طب هنعمل اية فى العطلة دى ؟؟

و الخوف يترقب

ياترا هنلحق !!!

استنوا الحلقة الجاية
و التالتة من حكايات اية

ههههههههههههههههههههههههه

الله يخرب يتك يا بارتيز

ماشي يا باشا

و جاري عمل قسم مسلسلات رمضانيه

و نقل التوبيك ليه

تحياتي..........

حبيبى

و دا يروح قسم مسلسات رمضان لية ؟؟

زى ما انت شايف

بس انت دورك هيحلوا اوى

منقول لقسم فرفشه رمضان

تحياتي.....

اشطه عليك

يا جااااااااااااااااااامد
بس اقولك الصراحه
انتا بجد بتعمل كل واحد وشخصيتو الحقيقيه

بس والله الموضوع جااااامد

بس افتكرني وحيات ابوك

متخفش

انتا بذات

ليك دور هتموتنى بسببة

انا لسة فى الحلقة 2

اوك

انا wating

يابرتيز ياجامد والله مشاهد روعه جدااااااااااااااااا وفكرتك حلوة اوووووووووووي
بجد تسلم ايدك فكره حلوة موووووووت

تسلم ايدك يا بارتيز
والله جامد

عايزينك تكمل

بيس يا مان

شكرا لهتمامكم و المتابعة

لولا
و
ماكس

كل واحد يستنى دورة

ليكوا مواقف برضة فى المسلسل

والله انت واد جامد يابن بلدي
المسلسل ده لازم يتصور بجد
وانا اخرجه وبارتيز يألف السيناريو

وعايز منك يابن بلدي تجيب سيرة الجيتار والأعده اللي عند حسن اتش
وتجيب سيرة بورسعيد في قرية الباتروس ويارب النجاح والتوفيق

اية يا حج كل دى حوارات

بس استنى والله هتعجبك الحلقات

بس خليك معايا

الحلقة التالتة

المشهد الاول : المطار

إذاعة المطار : تم ضبط جميع الرحلات
نرجوا من المسافرين استكمال الرحلات بشكل طبيعى

ما عدا المسافرين الى مدينة القاهرة
سيتم تأجيل الرحلة الى صباح يوم الغد....

_____________

طارق : ايييييييية دا يا جدعان ؟؟

ظاظا : طب نعمل اية و بورسعيدى مستنينى

و فأجاة

اتصال من حسن اتش على هاتف طاهر

طاهر : الو

حسن اتش : انت فين يا حيوان مش بتسأل لية ؟
انا بتصل بيك هعشان انا مسافر
و بسلم عليك

طاهر : انت فين دلوقتى

حسن اتش : انا فى المطار

طاهر : اية ؟؟
احنا كمان فى المطار و لازم نوصل قبل 4 ساعات عشان ...

حسن : خلاص خلاص الليثى قالى
بس لان الطيارة هتتأخر
عندى واصتة هيركبنى فى طيارة اسكندريا

طاهر : طب شوفلنا حل معاك
و أحنا جاينلك عند طيارة اسكندريا جرى

_____________

و بسرعة جريوا بسرعة لحد ما لقوا

حسن و ماكس و جهاد

ظاظا : بتعملوا اية هنا ؟؟

ماكس : بنتشمس هنكون بنعمل اية يعنى يا ذكى

حسن : يا جدعان مش وقتوا طلعوا الباسبورتات

امين الطيران : انتوا عددكوا خمسة
و مفيش مكان الا لاربعة بس

اسف يا شباب واحد لازم يريح

بارتيز : يريح اية ؟
احنا بنلعب فى كأس مصر
دا سفر يا عم الحج

امين الطيران : طب بصوا الراجل دا فى احتمال انوا ميسفرش
بس دا املكم الوحيد !

حسن : طيب شكرا يا عمو

طارق : استنوا عليا
و شوفوا ابو الافكار

الشرقاوى : هتعمل اية ؟؟

طارق : ملكش دعوى تعالا بس
دا شكلة فلاح

راح طارق للمسافر دا و قالة

طارق : عمو اية دا ؟
انت اول مرة تسافر ؟؟

المسافر : ايوة يا حبيبى لية ؟

طارق: اصل الباسبور بتاعك غلط مش خالص !!

المسافر : غلط ازاى يعنى

بارتيز ادخل و قال : مش و انتا فى مصر ادولك الباسبور دا
و مرسوم علية النسر

المسافر : تمام مظبوط

بارتيز : يبقى و انت هنا
لازم تروح توثقة بسرعة
و هيحطوا على الجنب التانى من الباسبور صورة النخلة
بس بسرعة عشان الطيارة

المسافر : و دى اعملها منين ؟؟

طارق : امشى من هنا على طول
و خش شمال فى مجمع كبير جوا بيعملوا الموضوع دا

المسافر : متشكر اوى يا شباب يا جدعان
و الله المصرى طول عمرة بيحب المصرى الى زية

و الراجل مشى فرحان و مصدق
و العيال ميتين على روح ابوهم ضحك

الشرقاوى : اية يا جدعان حرام الى حصل دا

طاهر : حرام اية يا عم
دا ابو الحلال

طارق راح لامين الطيران و قال : خلاص يا عمو الراجل
مشى و مش هيسافر

و بكدا دخل اصحابنا الطيارة و جلسوا و الراحة على وشوشهم

____________________

رجع المسافر المخدوع و مليان بالخيبة
عشان معرفش يعمل حاجة

و راح لامين الطيران و قالة : انا باسبورى مش كامل
ممكن امشى بية حالى

امين الطيران بص فية و قالة : مين قالك كدا دا فل الفل

المسافر : دول شوية الشباب الى كانوا هنا

امين الطيران : اية ؟؟
ولاد الابالسة

بس انا اسف الطيارة اقلعت خلاص

المسافر صاح بأعلى صوت : هيجيب ابوكوا
يا ولاد ال..............اااااااااااا..........

___________________

المشهد التانى فى الطيارة

بارتيز يهمس فى ودن طارق :
اية الطيارة الى كلها فلاحين دى ؟؟

طارق : ههههههههههه
ريحة المش فايحة اوى

ظاظا صاح باعلى صوت : الفلاحين هنا كتير
يخرب بيتكوا يا مصريين
و يخرب بيت رحيتكوا

نظر جميع المسافرين الى ظاظا
زى ما يكونوا عايزين يشربوا من دمة

و فأجاة طاخ

الم محترم من طاهر على قفا ظاظا
و بيقولة : اسكت يا اهبل هنروح فى دهاية

و فأجاه

الطيار يقول : ارجوا ربط حزام الامان و المكوث فى الاماكن
فقدنا السيطرة على الطيارة

وسوف تهوى بنا داخل الاراضى المصرية
اى مفيش بحر يحيمنا

ارجوا من الجميع الهودء

و بدات الطيارة تتهاوى
و بدأ الناس بالصراخ

و الشلة فى حالة خوف شديد

اية الى هيحصلهم ؟؟

ياواد يابرتيز حلو اوي المشهد ده جامد اوي يلا كمل مستنين

اشطه يا برتيز
انته نستني ولا ايه يا عمنا
ههههههههههه
والله مشكور جدا على المسلسل

ههههههههههههههههههه....
حلو اوووووي ....

ههههههههههههههههههههههههههههههههههههههههه
والله حلوة جدااااا وشكرا ليييييييييييييييييك وشكرا ياريت نكون مع بعض السنة الجاية في الطيارة

حلوه اوي يا بارتيز

يلا عايزينك تكمل

والله المسلسل جامد كيييييييك
وزي ما قولتلك يابن بلدي
و قشطة عليك

هههههههههههههههههههههههههههههههه

ياجااااااااااااااامد يا طارق يابو الافكااااااااااااااااااااار

ههههههههههههههههههههههههههههه
انت طول عمرك بتاع الحورات دى

و شكرا يا حبايبى على الردود
و النتابعة

حبيبي يابن بلدي
يلا كمل المسلسل
و بالتوفيق

ياريت يا ناس لو حد عندة اى تعليق

على مشهد معين

او جملة معينة يقول

و يقول برضة اكتر حتة عجبتة فى كل حلقة

يعنى تتفاعلوا معايا كدا

انا اكتر حاجه عجبتني فكره طارق فعلا طارق كدا ديما وههههههههههههههههههههههههههههههههه
جامد او المسلسل يابرتيز كمله بجد جامد

انا متحمس عشان اعرف ايه اللي
هيحصل بعد كده

gameeeeeeed keeeeeeeeeeek

wa7iat your father kml

ايوه يا مؤلف
هههههههههههههههه
والله فكره حلوه يا برتيز

الحلقة الرابعة

المشهد الاول : داخل الطيارة

_______________

ظاظا : وااااء وااااااء
مش عايز اموت

طارق : يا اهبل اسكت و اهدى متخوفنيش

ماكس : يعنى نعمل اية نعمل اية ؟؟ آآآآآآآآآآ

بارتيز : بطلوا بقى فى .......ابكوا
اية الى خلانا نركب الطيارة بنت المــ........دى

طاهر : حسن منوا لله هوا السبب

حسن : و انا مالى هوا انا اعرف انها هتقع و ادينى معاكوا هموت نفس موتتكوا

جهاد : لااااااااااااا متقولش هنموت دى

و وصت بكاء و صراخ الجميع

الشرقاوى : يا جماعة اهدوا و اسمعوا

احنا مكنن نعيش لو ربنا كاتبلنا

طارق : عندك حق

الشرقاوى : و ممكن نموت

الجميع : لالآلآلآلآلآلآلآلآلآلآلآلآلآلآآآآآآآآآآآآآآآ

و فأجاة صوت احد الركاب يقول :

الاعمار بيد الله
و احنا اعمرنا انتهت !!
استغفروا الله من زنوبكم
يا ويلكم من عذاب القبر

بارتيز : آه يا راجل يا ابن الع........
انت بتخوفهم لية
يارب سحلية تلهفك
هيا الناس نقصة

طاقم الطائرة : نرجوا الهدوء وربط حزام الامان
عادت السيطرة و سوف نستكمل الرحلة بإذن واحد احد
و ان لله وان اليه راجعون
_______________

بارتيز : الراجل دا قاعد فى عزا ؟؟

و يشير الى الراكب و يقول : و انت يا بتاع العذاب
إلاهى تولع فى جنهم

طاهر : يا جدعان خلاص

طارق : الحمدلله

الجميع : الحمدلله رب العالمين

و بعد مرور ساعة و ربع وصل الاصدقاء الى مصار الاسكندريا

_______________________

المشهد التانى : فى صالة الانتظار

إبراهيم على ( هيما )
كان فى المطار فى انتظار اصحابنا

هيما : حمدلله على السلامة

طاهر : هيما حبى

طارق : ازيك يا ولا !!

هيما : انا كويس وحشنى والله
يلا بينا الباقية مستنين

اخد اصحابنا تاكسى من الاسكندريا
لحد ما وصلوا الى موقف بالقاهرة
و لقوا هناك كل من

ابوشادى , السرس , سمبو , السفرى و على

طاهر : حبيبى يا سرس
بس على و السفرى انتوا هنا ازاى ؟؟

على : احنا هنا من يومين يا ط.....

السفرى : ياه يا طاهر شفنالك شوية مزز

بارتيز : وعملت اية بقى يا بتاع المزز ؟؟

السفرى : اتفرجنا يا عم

بارتيز : ما دا اخرك

طارق : اية جابك هنا ؟؟ مشيرا الى سمبو

سمبو : ملكش دعوى
جاى يسلم على باتو

السفرى : شكلك وحش يا طارق

بارتيز : يا عم والله مش عارف انتا ازاى بتتكلم
يا بتاع الفورجة انت !!

و الكل مصدق و ضحك

ابوشادى : ولا فى دماغكم
يلا يا بهايم عشان نلحق الليثى
الى ملطوع هناك دا

و ركب اصحابنا عربية بيجو سبعة راكب

العربية سبعة راكب و هما

ابوشادى , السرس , طاهر , هيما , سمبو , طارق , الشرقاوى , بارتيز , ظاظا , حسن , ماكس , جهاد

يعنى بسم الله ماشاء الله 12 نفر
فى عربية سبعة راكب

متجهين الى منطقة اسمها فانتازيا

فاصل قصير و نواصل :

رايحة فين يا فاطمة رايحة اجيب اومو
راجع منين يا فاطمة رجعت و جبت اومو

شريط جديد قريبا فى الاسواق
من شركة عالم الفن

هههههههههههههه

حلوه ايو يا بارتيز

وخصوصا حكاية الفاصل

تسلم ايدك ياباشا

عدنا

وصل اصحابنا الى المنطقة

و كان اللقاء حارا بين الليثى و بارتيز و ظاظا

الليثى : ابن بلدى

بارتيز : حبيب قلبى وحشنى يااااااااااااض

ظاظا : بطرى ازيك ياض ؟

الليثى : انا كويس اوى
بس دا مش وقتة
الا على السريع كدا الى معاه بطاقة يطلعها
و الفلوس

طبعا فى الحال الى معاه طلع و اديناها ليلثى

ابوشادى و الليثى بيتكلموا مع الراجل صاحب الفلا

ابوشادى : احنا عايزين ناجر المكان 3 شهور

المالك : موافق بس على شروط
عدم تكسير اى اثاث
و عدم تخريب الحديقة حول الفلا
و فية مقبرة ورا البيت بمسافة ياريت محدش يروح هناك

الليثى : ماشى خلاص . مفتاح المكان لو سمحت

دخل اصحابنا المكان و كان المكان كبير كييييييك

ابوشادى قال

المكان فى غرفتين وحدة للولاد و وحدة للبنات

طارق : بنات ؟؟ فين البنات ؟

ابوشادى : دلوقتى (بنت النيل ) هبة و (لولا ) علا و ( اميرة المنتدى) ريم

جايين

لاوم حد يروح يجبنها

طاهر : انا اعرف الطريق من هنا الى القاهرة

ابوشادى : طب شوف حد يروح معاك و روح جيب علا وريم
و خد حد معاك

طاهر : اوك هاخد سمبو

سمبو : معاك يا معلم

ابوشادى : بارتيز انت عارف الطريق طبعا
تقدر تروح مطار القاهرة
تستقبل هبة ؟؟

بارتيز : طيب اوك
و هاخد معايا حد عارف
هاخد الشرقاوى موافق ؟

الشرقاوى : موافق

و انطلق طاهر و سمبو ل موقف الحافلات

و انطلق بارتيز و الشرقاوى للمطار

اما الباقى يعملون فى ترتيب البيت

_____________________

المشهد الاول : فى محطة الاتوبيس فى القاهرة

علا و ريم
فى انتظار

طاهر : علا ازيك اسف اتاخرنا

سمبو : عملة اية ؟؟

علا : الحمدلله كويسة

ريم : احم احم ولا كأنى موجودة

سمبو : اه اهلان ريم

_________________

المشهد التانى : فى المطار

الشرقاوى : وصلنا قبل الطيارة ما توصل كويس

بارتيز : يلا نعد نستنى

الطيارة وصلت و بدأ الناس فى النزول

الشرقاوى : هيا فين ؟؟

بارتيز : علمى علمك

استنوا استنوا استنوا تقريبا داخلين فى ساعة

_____________________

المشهد التالت : فى محطة الاتوبيس

طاهر : مش يلا نمشى ؟؟

ريم : استنوا اصل ( زهرة الحب ) هتيجى معانا

سمبو : زهرة ؟؟
طب هيا فين

ريم : اهه وصلت

زهرة : ازيكوا

علا : دول طاهر و سمبو يا زهرة

زهرة : اها اهلان

طاهر : اهلان بيكى

بعد القاء ركبوا المجموعة و طريقم للفيلا

____________________

المشهد الرابع : فى المطار

الشرقاوى : ياابنى احنا هنا بقالنا ساعتين

بارتيز : طب انا اعمل اية ؟؟

الشرقاوى : اسال اى حد

بارتيز: استنى

وراح لاحد العمال و قالة :

لو سمحت يا معلم هما كل الى فىى طيارة الامارات نزلوا

العامل : امارات اية يا اخويا ؟؟

بارتيز : دى الطيارة دى بتاعة الامارات

العامل : سعاتك دى طيارة الكويت
انت مش بتشوف ولا اية ؟؟

بارتيز : اييييييييييييييييييييييييييييييييييييييييييييييية ؟؟

الشرقاوى : مالك

بارتيز: بيقولك دى طيارة الكويت

الشرقاوى : يا انهار اسود

و بسرعة جرى الاتنين الى صالة انتظار الامارات

و بصوا لقوها لسة قاعدة مستنية

بارتيز فى حظر و خوف : هبة ؟؟

هبة : انتا لسة فاكر

بارتيز : لية الوش الخشب دا

هبة : والله ؟؟ انا وشى خشب
و انا مستنية هنا من ساعتين

بارتيز : اسف اصلى كنت مستنى فى قاعة غلط بتاعة الكويت

هبة : دا لانك غبى

الشرقاوى همس فى ودن بارتيز : اتهزئت يا معلم

هبة : و انت

الشرقاوى : انا ؟؟

هبة : ايوة انت احول كمان
مش تقولة ان القاعة غلط

بارتيز همس للشرقاوى : اتبهدلت ييا معلم
ههههههههههههه

بارتيز : طيب شوفى احنا اسفين
و عشان متزعليش مش هركبك مكرباس
هركبك تاكسى و تاكس العاصمة الاصفر كمان

هبة : هوا اكنت عايز تركبنى مكروباص؟؟

الشرقاوى : دا بيهزر يلا بينا

و قفنا التاكسى الاصفر

الشرقاوى : انا هركب قدام

هبة : و انت روح اركب جنب صحبك

بارتيز : بلاش هزار
قولنا اسفين خلاص

و خلاص بعد الى حصل ركبوا الشلة التاكسى

فى الطريق للفلا

انتظروا الحلقة القادمة
بداية القصة فى الحلقة القادمة

جامد اوي الحوار دا
وعاجبني تفكيرك اوي
ومستي دور صاحبتي
‏ نيرمين
سلاااااااااااااام ياابن بلدي

اولا صحبتك مش فى المنتدى

لازم تدخل المنتدى عشان تكون فى القصة

:D

حلوه اوي يا بارتيز

يلا يا معلم كمل
اشطه عليك

بس يا جماعة

كلوا هزار و احنا اصحاب مع بعض

الى هيزعل من اى حاجة كتبتها يقول

حلوة اوي يابارتيز كمل احنا مستنين

واوك يا ريت يكون لحد كدا عاجبكم

لان القصة هتبدأ

و شكرا على المتابعة

كمل يا باشا

الله ينور يا معلم

تمام يا كينج

سيبك من الي يزعل

انا مديك كل الصلاحيات في المسلسل ده

يلا ورينا الشغل يا باشا

تحياتي.........

يا عم

انا لا كينج ولا بتاع

ربنا يعينا و نكمل

و يعينكم و تستحملونى
و ياريت لو فية حاجة رزلة او غلسة قولولى

3'lsa eh ya 3m

da anta klamk zy al 3sl

kml al ksa di b2a

طيب ياحبيبي
مستني بقيت المسلسل ده

وكنت حابب أعرف حاجه
هو انت بتحط الحلقة كل مره
الساعة كام؟

من الساعة 2 الظهر لحد اليوم التانى

كل يوم حلقة

و بتكون بعد صلاة الفجر

برجع من الفجر كلى افكار

يعنى على الساعة 8 الصبح

بيس يا رجالة