بسم الله الرحمن الرحيم
بصراحه منتدى ستارز كويس جدا بس فيه عيوب كتير جدا ودا طبيعي لأي منتدى جديد {ماي سبيس كان مليان عيوب قول ما بدأ بس لما خدوا بلهم من العيوب دي عملوا اللي عليهم ودلوقتي هوا اكبر موقع اجتماعي في العالم}
العيوب هيا:
1)ان عدد المشتركين قليل 150 وفي حوالي40000 موضوع كل عضو بياخد اي توبيك من منتدا تاني ويحطه هنا باسمه.
2)الردود اللي على التوبيك بتبقا عاديه واحيانا برده بتكون شكرا ياجامد يامعلم انا مبحطش موضوع عشان تقلي شكرا انا عيزك تقول رأيك في المكتوب
3)انا عمري مشفت في رد من الردود ان التوبيك دا غلط او فيه حاجه حرام مش معقوله ان كل اللي بيتكتب مظبوط
4)في بعض الأعضاء بيحطوا اكتر من موضعين ورا بعض ومفيش حد بيكتب رد دا بيكون هدفه والله اعلم انه يزود عدد مشركاته وخلاص
5)بالنسبه للي بينقل المواضيع يحاول يحسن فيها شويه يكتبها من تاني بطرقته انا قريت اكتر من موضوع هنا منقولين من dvd4arab بل بالعكس معظم المواضيع اللي هنا مكتوبه باللغه العربيه الفصحى طب خلي عندك شويت زكاء
احنا عرفين انك متعرفش حاجه عن اللغه العربيه اصلا
6)الردود بتبقا فيها مجمله بشكل يشل
7)مش لازم يبقى ليك في المنتدى 3000 موضوع انا مشترك في المنتدى من الصيف عددموضيعي ميعديش 10
8)بالنسبه لقسم الفضفضه القسم دا عشان تشكي فيه همومك وتقول اللي في باللك واللي شاغل افكارك مش عشان تجيب مواضيع من منتدى تاني وتحطهم في القسم دا
9)الفلسفه في الردود يعني ققرب مثال الردود على مواضيع الحب تلاقي واحد لعمره حب ولا عرف بنات ولا ليه في الطور ولا الطحين ويكتب رد تحس ان الواد حبييييييييييييب موت نظريته انه يزيط في الزيطه
وفيه لسه كتير بس انا مش عرفهم ممكن حد تاني يعرفهم يكتبهم عشان نحاول نصلح
انا اللي خلاني اكتب التوبيك دا ان جماعه اعرفهم في سنه تلته هندسة اتصالات ادتهم الموقع {ققل واحد فيهم له جروب على الفيس}وهم قلولي على الأخطاء دي هما صحيح بهدلوني من التريقه في الأول بس بعد كدا شجعوني ان اكتب التوبيك دا
ممكن البعض يزعل بس الحق ميزعلش
strong M
الخميس أكتوبر 23, 2008 5:45 pm
