قصيدة بحبك للشاعر محمد اسماعيل الكحيل
بحبك ...
كلمة مش سهلة
بحبك ...
يعني لما النوم
في عيني ينام
وعيني في الهوي
صاحية
....
بحبك ...
يعني اكون صاحي
واكون نايم
بشوف صورتك
وحتي لما اكون ساكت
بجيب سيرتك
نسيت نفسي
وروحي ليكي مش ناسية
....
بحبك ...
يعني لما تكوني مش جنبي
بكون جنبك
ولو حتي بعيد عني
بكون سامعك
بحبك وانتي جرحاني
بحبك حتي لو قاسية
....
بحبك ...
يعني لما العمر بيا يفوت
أعيش وأموت
وكل مراكب العشاق
تصير ذكري
وتفضل مركبك
في مهجتي راسية
....
بحبك ...
يعني لما تغيبي عن عيني
سنين وسنين
وتتغير ملامحنا
وتنسيني
واكون فاكرك
وقلبي يكون بيتحرك
علي امل
ان اعيش جنبك
بحبك ...
يعني اكون ليكي
واكون فيكي
واكون منك