بحبك موووووووووووووووووووووت مع كل ........

السلام عليكم ورحمه الله وبركاته

كل اللى يدخل الموضوع انه على الأقل ينقله فى 20 منتدى ... و 10 جروبات ... و 3 مواقع ... ده طبعا على الأقل ... وفي ذلك فليتنافس المتنافسون ))

مع كل دفقة دم ... مع كل نبضة قلب ... مع كل خطوة وهمسه ... مع كل عبرة تقطر ... وكل نفس يخرج ... في ليل المحبين ... و أسحار المستغفرين ... ينطق القلب قبل اللسان ... بحبك يارب ....

مع شوق السابقين .... ودعاء المضطرين ... و ظمأ الصائمين ... و نصب القائمين ... مع كل قطرة دم سالت في سبيل الله ... يمتلئ الكيان بحبك يارب ...

هتسالوني ... لماذا أحبه ؟؟؟

وأجيب ... وكيف لا أحبه ؟؟؟ ....

عندما تعجز اليد عن الكتابة ... والقلب عن الاحتمال ... والعين عن كف الدموع ... واللسان عن عدم الذكر ... عندها اعلم انه حب الله في قلبك ....

أحبه لأنه رحيم ... أحبه لأنه ودود .... أحبه لأنه قيوم ... أحبه لأنه ربي ....

فى هذه السلسة التى لن تكتب بالحروف ولكن بالمشاعر ... اكتبها اليكم لا لكي تقرأها أعينكم ... ولكن لتحس بها قلوبكم ...

وتنشغل بها عقولكم ... وتجتهد أناملكم فى المساهمة فيها بمشاعركم ... فلست وحدي من سيكتبها ..

. ولكن ستكون إن شاء الله محاوله منا لكتابة جزء من ما نشعر به من حب لله ... أو مما شعر به غيرنا من حب لله ...

وكما قراتم من العنوان هذه هي ((البداية)) ... ونسال الله العون على التمام والاستمرار ....

وأن يكتب لهذه السلسة القبول .... وأن يفتح لها القلوب ... وأن يتقبلها منا .. وأن يرضى بها عنا ...

>>>> آية ... من كتاب الله ... كلام ربي ... من سورة النجم ... (( مش هتقدر تمسك قلبك )) (( يرجى من اصحاب الأمراض القلبية أو من اصحاب الاحاسيس المرهفة عدم اكمال الموضوع إلا فى وجود دوا القلب جنبهم أو على الأقل علبه مناديل حجم

كبير ))جمد قلبك واقرأ بس الأول ونتناقش فى الآية بعد شوية :

{الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى }النجم32

هل حد فيكوا عارف الآية اللى قبلها إيه ؟؟

{وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاؤُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى }النجم31

يعنى الذين أحسنوا الذين يجتبون كبائر الاثم والفواحش إلا اللمم ...

مش ممكن أفصح فصحاء الأرض يلاقي كلمات فى اى لغة من لغات العالم بعدها إلا ما قاله الله عز وجل
إن ربك واسع المغفرة ...بحبك يارب ...

وفي الآية بعد كده .... هو أعلم بكم ... تشعر فيها بالحفظ من الله عز وجل ليك ... وبرحمة الله بك ... و وده بك .... من أول ما كنت جنين فى بطن أمك .... يعنى من قبل ما تاخد اول نفس فى حياتك والله يمدك بقوتك - سبحان المقيت -... ورزقك ... ويحفظك ... ويرعاك ...

يعلم عنك كل كبيرة وصغيره فى حياتك .... يعلم ما يحزنك وما يسعدك ... يعلم عنك كل حسنة عملتها وكل حرف قرآن قرأته وكل درس علم

روحتله .... وكذلك يعلم عنك كل ذنب اقترفته ... وكل معصيه عملتها ... ومع ذلك ... يبسط يده بالليل والنهار لك لتتوب ... تقدر تقول حاجة غير .... بحبك يارب ....

لا أريد أن أطيل فى أول وقفة ... وإلا فالمشاعر في هذه الآية كثيرة جدا جدا جدا ... وبجد عايزين نبكي لما

نقراها ... ونحفظها ونعلقها ... ونعملها خلفيه شاشة ونحطها على الديسك توب ... وخلفية للموبايل ...

القرآن ياجماعة بإذن الله غير حياة الصحابة .. والتابعين والسلف .... لازم نستغل الفرصة ... ونتغير احنا كمان ...

فليتك تحلــو و الحــــياة مريرة *** و ليتك ترضى و الأنام غضاب

وليت الذي بيني و بينك عامر *** و بيني و بين العالمين خراب

اذا صحّ منـك الودّفالــكل هيّن *** و كل الذي فوق التراب .. تراب

<<<<<< بحــــــــــــــــــــــــــبك يــــــــــــــــــــــارب >>>>>

يا جماعه

ياريت كلنا نبدأ نخرج حب الدنيا من قلوبنا

مفيش حاجه بقيالنا من الدنيا ديه

ايوه احنا بشر ومن حقنا نحب

مقولناش متحبش

بس حب وانت بتقول انا بحب علشان ارضى ربنا

انا بحب فى الله

وقبل كل دا لازم نحب ربنا
لازم نصدق

اه بنحب ربنا بس فيييييييييين

فييييييييين حبنا لربنا

كل واحد ماسك فى الدنيا

بنت بيحبها ومش قادر يسبها

بنت متعلقه بالبس .. ومكياج... وولد... غيرها من المتعلقات

واحده واحده ان شاء الله حب الدنيا هيخرج من قلبنا

عاوزين فعلا نقولو بنجبك يارب

بحبك يارب وانا مش بعمل حاجه تعصيك

بحبك يارب واقدر اقولها للك وانا مش بغضبك

كدا فعلا تستاهل انك تقولو بحبك يارب
لازم علشان تحبو لازم تتطيعو
المحب لمن يحب مطيع

ليه البنت لما حببها يقولها متكلميش دا مترديش على دا متلبسيش دا تسمع كلامو

طب ما ربنا قاللك متسمعيش دا البسي حجاب شرعى ليه مسمعتيش كلامو

ونفسك الحكايه من اخونا الشباب

ليه مكسوف تقصر بنطلونك ليه مش عاوز تربي لحيتك ليه بتتفرج.... ليه بتعمل........... مش عارف انها حرام

مش عارف ان ربنا شيفك وانت بتعملها
ليه كل واحد بيدور على قلب يحبو ولا يتكلم معاه

معااااااااااااااااااااااااااك ربنا

فى اى وقت بيسمع دعائك

لازم نتعلم ازاى نحب ربنا ونساعد بعض اننا نتغير

ايوه نتغير

كل يوم بتسيب حاجه حرام في حياتك بتظهر ليك فتنه تانيه

هى الدنيا كدا

ربنا قال فى سوره العنكبوت

الم أحسب الناس ان يتركو ان يقولو أمنا وهم لا يفتنون ولقد فتنا الذين من قبلهم فليعلمن الله الذين صدقو وليعلمن الكاذبين

يالا يا اخواتى فى الله ... يالا نجدد قلوبنا
ونسأل من ربنا انو يجدد الايمان فى قلوبنا

عَنْ عَبْدِ الله بن عَمْرو بن العَاص رَضِيَ الله عَنْهُمَا قَالَ: قَالَ رَسُولُ الله صَلَّى الله عَلَيْهِ وَسَلَّمَ :"إِنَّ الإِيمَانَ لَيخلق فِي جَوْفِ أَحَدكُمْ كَمَا يَخلقُ الثَّوْبُ فَاسْأَلُوا الله أَنْ يُجَدِّدَ الإِيمَانَ فِي قُلُوبِكُمْ". أخرجه الحاكم ( 1 / 4 )، وحَسَّنَه الألباني

ومننساش

أعظم أسباب قسوة القلب: طول الأمد عن ذكر الله، وعن تقوى الله، وعن مجالس وحلق الذكر والخير، وعدم التفكر في ملكوت السماوات والأرض وعدم التفكر في الموت،

عاوزين قلوبنا ترجع تانى
وتبقى مع ربنا.... مفهاش غير ربنا

احنا بشر وبنغلط

ومش عيب اننا نغلط لكن الغلط اننا نستمر على الغلط واحنا عارفين انو غلط

يا فرحتك وانت سايب معصيه كنت بتعملها فى السر علشان ربنا
لا سيبك من الناس المهم قدام ربك

يارب انا كنت بحبها بس سبتها علشانك صدقنى ربنا هيعوضك بخير منها

يارب انا معتش بتفرج على الفلم..... علشانك يارب يارب بدلنى خير من هذه الدنيا

بالله عليكم

راجعو نفسكم راجعوها علشان متخسروش دنيتكم واخرتكم
كلنا عارفين

عارفين بس مبنعملش بال انا عارفينو ليه

ليه المعاصى موقفانا عن طريق ربنا

ليه..........؟؟؟؟؟؟؟؟؟؟؟؟

كن لله كما يريد وكفى

درس رائع لدكتور حازم
كن لله ما يريد

درس رائع تانى اسمو هتوصل امتا ؟؟؟ امتا ؟. امتا
هتوصل امتا؟ يلا كل واحد فينا يقول

بحبك يارب ..... ومعتش هعمل حاجه تغضبك تانى بحبك يارب

قربنى ليك بحبك يارب ساعدنى انا عبدك الضعيف

عليكم اخواتى فى الله واخوانى بالدعاء وكثرته وتجديد التوبه يوميا وكثرت الاستغفار
وصلى الله وسلم على سيدنا محمد
يلا كل واحد يخش يقول انا بحبك يارب

موضوع اليوم ... لأصحاب الهمم العالية .... لأصحاب الشوق العالى ... لكل من يريد بحق أن يقدم برهان حب لله سبحانه

وتعالى .... لكن الاول ... نتوقف مع هذه الآية ....

علما بان فى الموضوع نقاط عمليه جدا لتحصيل محبة الله .

>>>> آيه .. {وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ.... }البقرة165

على أحد أقوال أهل التفسير فى الآية

(( ابن جرير عن ابن زيد فى معنى كلامه )) أن المشركين يحبون آلهتهم كما يحب المؤمنين الله ... وجاء بعدها قوله تعالى : والذين آمنوا أشد حبا لله .. أي أن حب المؤمنين لله ... (( المؤمنين خلى بالك )) أشد من حب هؤلاء المشركين لآلهتهم ...

طيب ما نشوف مع بعض أقوال المشركين فى تعبيرهم عن حبهم لآلهتهم ....

*** {وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَى آلِهَتِكُمْ إِنَّ هَذَا لَشَيْءٌ يُرَادُ }ص6

*** {قَالُوا مَن فَعَلَ هَذَا بِآلِهَتِنَا إِنَّهُ لَمِنَ الظَّالِمِينَ }الأنبياء59

*** {قَالُواْ أَجِئْتَنَا لِنَعْبُدَ اللّهَ وَحْدَهُ وَنَذَرَ مَا كَانَ يَعْبُدُ آبَاؤُنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ }الأعراف70
*** {قَالُواْ يَا صَالِحُ قَدْ كُنتَ فِينَا مَرْجُوّاً قَبْلَ هَـذَا أَتَنْهَانَا أَن نَّعْبُدَ مَا يَعْبُدُ آبَاؤُنَا وَإِنَّنَا لَفِي شَكٍّ مِّمَّا تَدْعُونَا إِلَيْهِ مُرِيبٍ }هود62

لن أطيل في ذكر الامثله ....

طيب وقفه مصارحة يا جماعة ... ورد على نفسك بجد ؟؟؟

هل إنت حبك لله وصل حتى لحب هؤلاء المشركين لآلهتهم ؟؟

هل إنت صبرك فى طريق الحق الذي أنت عليه وصبرك على الأذى فيه والابتلاء ... كصبر هؤلاء ؟؟
هل إنت بتتقطع من جواك لما تنتهك حرمات دينك ؟؟؟ ولا بقت عادي ؟؟؟

إنت إيه شعورك وأغلب من فى الأرض لا يعبدون حبيبك ؟؟

إنت عملت إيه .... لكي ترفع رايه توحيد ربك فى الأرض ؟؟

ولا إنت من السميعه ... الكلامنجيه ...مدعي الالتزام ... واتباع السنة ؟؟

طيب أختم بسؤالين .... إمتى آخر مرة صليت قيام ليل .؟؟

طيب واحد أسهل ... إمتى آخر مرة استعملت سواك فيها ؟؟

----------------------

للأسف كلنا مقصرين ياشباب ... وانا لست من نوع من يقدم الداء على سبيل جلد النفس ...ولكن إن شاء الله أنقل لكم أسباب عشرة من اسباب جلب محبة الله ...

1- تدبر القرآن
2- النوافل بعد الفرائض
3- دوام الذكر
4- إيثار محاب الله على محابك
5- معرفة الله بأسمائه وصفاته
6- التأمل فى نعم الله الظاهره والباطنه
7- انكسار القلب بين يديه
8- الخلوة مع الله فى ثلث الليل الآخر
9- مجالسة المحبين الصادقين
10- مباعدة وهجر كل سبب يحول بين القلب وبين الله

تطبيق الأسباب مش سهل ياشباب ... لازم قضيه تفجير ينابيع حب الله فى قلبك تبقى قضية حياة .... تبقى همك الأساسي .... انتهى لقاء اليوم ونسال الله ان لا يحرمنا من تجدده ...

اشكرك لإنك صبرت وقرات لغاية ما وصلت للكلام ده ومقلبتش الموضوع ...

ربنا يحبك ويرزقك الصدق والأخلاص

عذابه فيك عذب
وبعده فيك قرب
وأنت عندي كروحي
بل أنت منها أحب
حسبي من الحب
أني لما تحبّ أحبّ

شكرا عالتوبيك الجامد ده

بجد توبيك روعه

بس مكانه القسم الاسلامي

و انا الحقبقهكنت عايز اثبته

بس بما انك المشرفه

فيبقى انتي الي تثبتيه لو عزتي في قسمك

تحياتي.............

اتمنى تكون فعلا استفدت وشكرا انك تخلى الموضوع ينور فى قسمى وانا هثبته خلاص
ردك اسعدنى

مشكوووووووووووووووووره جدا علي التوبيك الروووووووووووووووعه ده

نورت وشرفت الموضوع ياباشا شكرا ليك اتمنى تكون استفدت فعلا وشكرا لييك

الموضوع حلو اوي يانور ربنا يهدينا ... وبجد نفسي نقرب لربنا اكتر لقننا لو قربنا هنلاقي لسعاده
شكرا يا نور .....

صح ياحبيبتى سعادتنا مع اللى خلقنا وخلق السعاده وشكرا ليكى واتمنى تكونى استفدتى ونورتى وشكرا على عطرك الجميل اللى بختيه على الصفحه بردك