ماذا لو كنت رئيســـــــا ؟؟!!!

السلام عليكم

سؤال خطر ببالي فقلت اطرحه امامكم فكل منا يعطينا بأقتراحته عسي يفهم بعضنا الاخر وما هي مطالب الشباب .... السؤال هو

ماذا لو كنت رئيسا او ملكا ؟؟؟

ما هي امنياتك التي تحب ان تقدمها لشعبك ايها الحاكم الشاب

انتظر تفاعلكم

(الاجابة تكون بأحترام وعدم السخرية بالاخر وعدم سب او شتم حاكم )

ياااااااااااااه ده لو كنت حاكمه .. هدلع الشعب مش هخليه محتاج حاجه ...
مش هخلي فقير في البلد ..
هعمل صندوق لدعم مشارريع الشباب ..
هشوف مطالب الشعب وبجد هحاول اعملها
وبعد ما اخلص وارفع البلد هكنز انا بقى ........ههههههههههههه
شكرا عالتوبيك

انا لو كنت رئيس اول حاجه هعملها اخلي الدستور كتاب الله وسنة رسوله انا مقتنع جدا بان الاسلام هو الحل
تاني حاجه ارجع كرامت المصري واحترامه قدام كل العلم
3-ارجع للشرطه في مصر مكنتها لأن الشارع ازا اتعدل الناس هتبقى كويسه
4-احاول افضي القاهره على قد مقدر طبعا كل دا بعد ما ققضي على الفقر
ويا محمود لم نفسك شويه هتودينه في دهيه يبن الناس :D

شكرا على الردود

و بعدين هيا خربانة خربانة

انا عايزة اعمل اللى هى اماكن كده لتحفيظ القران كتير تتنشر ومكافات للناس اللى تحفظ ولادها ومكافات قيمه مش اى كلام

اعمل مجمع للشباب اللى عايز يحضر يحضره وهيكون كله مسابقات وفرفشه وضحك والناس اللى طفشانه من بيتها تيجى تقعد فيه (خايفه الاقى مصر كلها جت )

اعدل فى تعليم مصر والاسئله لاتخرج عن الكتاب ومافهاش تاليف ده مستقبل ناااااااااس

تحبوا انتوا ياحلوين اعملكم ايه ؟؟؟؟؟
حدود الله هتتعمل زى اللى يسرق يقطع ايده علشان يكون ردع وزجر محدش يسرق تانى وغيرها كتير حدود لازم تتنفذ علشان البلد تستقيم [b]

انت مقلتتش يا بارتيز لو انت حاكم هتعمل ايه؟؟

اولا

هوقف الستيراد و لو عايزين تكلوا ازرعوا

2 - مياة القناة و الدخل دا هنستخدمة فى استثمار الصحراء الغربية
دى واسعة جدا جدا

3 - بعد اسثمار الصحراء هنكوم بمشروعات زراعية و صناعية
لاننا اوقفنا الاستيراد

4 - زيادة الدخل للمواطن

5 - تقليل الاسعار

6 - تحسين وضع التعليم و بجعل الثانوية العامة على كل سنة من السنتين
على ترمين

و بالنسبة للوضع السياسى

1 - عزل جميع النواب و الاحزاب

و البدا على نظافة

الحزب الوطنى سيكون من اشخاص موثوق فيهم
حتى لو كانوا من المعارضين

2 - الا خوان سوف اجعلهم حزب يعترف بة
عشان الصداع

بس انتوا عارفين
ممكن كلامى دا كلة ييجى من غير فايدة

البلد متبهدلة و لا يمكن رئيس واحد او جيل واحد يصلحها

مصر محتاجة على الاقل 5 اجيال متعاقبة

انت هتكون رئيس جااااااااااااامد
بس مصر لو تسابت كده مش هنقدر نعدلها خالص

مصر اصلا مش ممكن تتعدل

الى بعد 20 سنين على الاقل

ده اذا تعدلت اصلا ... هو بس يتوكل حسني وبعدين هنبقى نهتم بيها

يتوكل اية بس

ايوة يتوكل على الله و يركب العربية و يروح المؤتمر

مش تقولى كدا

ربنا يخلية يا رب

ياجماعه لاياس مع حياه وحياه مع ياس
بس انت رئيس كويس يابارتيز

انا اول حاجة حعملها حقفل المنتدى ده
هههههههههههههههههههههههه

اما انا بقى اول حاجة حعملها

حهرب الناس البيئة لبلاد برا ((عشان البلد تنضف شوية ))

ثانيا حقضي على المنوفييين ((عشان البخل ميبقاش عادة عند الشعب ))

ثالثا حبيع نادي الزمالك ((عشان الفضائح متحلش على مصر ))

رايعا حلغي امتحانات الوزارة للثانوية العامة ((عشان الطلاب يبطلو حجج ويقولو صعبة ))

خامسا حعمل مساجد عشان الناس تصلي

سادسا ححل مشكلة حسني عبدربه و هاني سعيد

وفي حاجات كتييير .....بس دووول أهمهم

زائر

انتم كلامكم كله ذي الفل
بس الكلام دة لو انت قلتة في مصر حتروح وراورا الشمس

وتحياتي

ليه هو مفيش مساجد في مصر يا طاهر ؟؟

لا خلاص بقت كازينوهات

اية رئيس الجمهورية المنيل على عينة دة

انت جاى تخلى مصر ملعب

كل حاجة عندك كورة

انا هزرع مصر كلها حشيش وهدعم سعر الحشيش
هيبقى بسعر رغيف العيش

وطبعا طبعا
هلغي حاجه اسمها كورة وهصادر كل الجيتارات

هههههههههههههههههههههههههههههههههههههه

يا ابن اللزينة

يعنى انا و طاهر هنموت

بس هنكييف حشيش

عشان تنسوا الهم

وطبعا هسلم الوزاره بتاعة الحشيش لحسن اتش حبيبي
لانه اكبر محشش في المتدى

يعنى انت شايف ان الى هيظبت حال مصر الحشيش ؟

يعني اللي هيظبط حال مصر الموضوع ده

هههههههههههههه

انت اذكى من كده
ناس كتير منتحرتش بسبب الزفت ده

يبقى اوك

حشيش يا معلم