الثانوية العامة ..... البلكونة

أثناء امتحانات الثانوية العامة

الأم تلتهم أصابعها من القلق وهي تنظر إلى الساعة المعلّقة على الحائط قبل أن تلكز زوجها في عنف، وهي تقول له في عصبية:

يا
راجل قوم اتلحلح.. إنت قاعد هنا ومبسوط قوي وكأنك "حسن شحاتة" لما فاز
بالبطولة الإفريقية، والواد اتأخر عن ميعاده نص ساعة.. قوم فز!

يضع الأب الجريدة إلى جواره قبل أن يقوم من مكانه مفزوعا وهو يقول:

يا
ستي إيه اللي حصل يعني لما الواد اتأخر شوية؟.. مش جايز مش عاوز يرجع
البيت عشان ماتعمليلوش فيها رئيس سجن أبو غريب، وتنزلي معاه في تحقيق
وتعذيب، وكأن الواد كان شغال مع "صدام" مش راجع من امتحان!

تضرب الأم بكف يدها على المنضدة وهي تصيح:
انزل شووووووووووووووفه!

يصبح الأب في ثانية واحدة عند باب الشقة الذي يفتحه وهم يهمهم:
"حسبنا الله ونعم الوكيل"

يفاجأ بولده
يدخل عليهم الشقة وهو في حالة صمت ووجوم بالغَيْن.. يدخل إلى المنزل وكأنه
قادم من تشييع جنازة صديق مقرب له.. تقترب منه الأم في خوف، ثم تربت على
كتفه وهي
تسأله في جزع:

"مالك يابني؟.. إيه اللي حصل؟.. اوع تزعّل نفسك.. حليت وحش في الامتحان.. تغور الثانوية العامة.. ولا يهمك"..
يتركها الابن في هدوء.. ثم يتجه بخطوات متسارعة إلى الشرفة.. ليفتحها في سرعة قبل أن يعتلي السور وسط صراخ والدته ووالده و.....

****
خبر في جريدة:
انتحار طالب بسبب صعوبة امتحانات الثانوية العامة!!!
****

يوم إعلان نتيجة الثانوية العامة

الأم تلتهم أصابعها من القلق وهي تنظر إلى الساعة المعلّقة على الحائط قبل أن تلكز زوجها في عنف، وهي تقول له في عصبية:

يا
راجل قوم اتلحلح.. أنت قاعد هنا ومبسوط قوي وناقص تجيب ربابة وتغني..
والواد اتأخر عن ميعاده نص ساعة.. والزغاريد بترن في كل حتة في الشارع.

يضع الأب الجريدة إلى جواره قبل أن يقوم من مكانه مفزوعا وهو يقول:

يا
ست إيه اللي حصل يعني لما الواد اتأخر شوية؟.. ما تلاقيه فرحان ومزقطط مع
زمايله.. شوية وهتلاقيه داخل عليك بإزازة بيبسي ومعاها 3 شاليموه كمان..
اهدي بس اهدي!

يتناهى إلى أسماعهما صوت صراخ وزغاريد، فتتوتر الأم أكثر، فتجذب الأب من مجلسه وهي تقول له:

شاليموه! بأقولك قوم دور عليه دلوقتي وإلا أنا اللي هأعملَك عصير وهأشرَبك من غير شاليموه فعلا!

ينتفض الأب
من كرسيه، ثم يتحرك نحو الباب وهو يبرطم، وقبل أن يمسك الأكره يجد الابن
يدخل عليهم وعلى فمه نصف ابتسامة، فينظر الأب إلى الأم وهو يقول:

شفتي؟.. أهو جه وجايب البيبسي كمان معاه.. بس فين الشاليموه يا حبيبي؟!

يضع الابن زجاجة البيبسي على المنضدة وإلى جوارها ورقة بها درجاته المتوسطة.. قبل أن يتجه إلى البلكونة وهو يردد:
جبت 56%.. مش عارف أدخل بيهم حمام بلدي دول ولا إيه؟!.. أنا مخنوق.. مخنوق.. مخنووووووووووووووق!

وساد الصمت......................

****
خبر في جريدة:
انتحار طالب بسبب حصوله على مجموع ضعيف في الثانوية العامة!!!
****

زي ما أنت شايف..
الانتحار بالنسبة لطلاب الثانوية العامة أصبح تقريبا "عادة يومية"!

واحد يطلع من الامتحان وهو ما حلش كويس..
ينتحر!

واحد جاب مجموع قليل..
ينتحر!

مش بعيد واحد يصحى من النوم ينتحر على اعتبار إن الانتحار ده بقى مادة أساسية في منهج الثانوية العامة!

كل ده رغم إن الثانوية العامة دي حضرتك مرحلة في حياة البني آدم..
طب والله مرحلة..

انا عارف انك بتبقى نفسك تخش احسن كليه
على اقل علشان تفرح اهلك الى تعبو معاك
ووفرو ليك فلوس الدروس الخصوصيه
وغير تعب الاعصاب

بس دى بتبقى مساله نصيب ومساله قدرات
ما فى ناس بيخشو كليات وبيفشلو فيها
يبقى المفروض الانسان يرضى بنصيبه مهما كان

بس الغريب بقى انه مصر هى البلد الوحيدة
الى بيحصل فيها الكلام ده

عمرك سمعت عن طالب انتحر في أمريكا عشان جاب 50%!

تفتكر السبب في ده إيه؟
ليه المصريين بيتعاملوا مع الثانوية العامة
وكأنها اللحظة الأخيرة قبل القيامة؟..
مفيش بعدها يا إما جنة يا إما نار؟!!
وإزاي ممكن نعالج الحالة دي؟

الطالب في مصر زي ما انت قولت
بيذاكر 48ساعة ومكد من اول السنة

وجو البيت بيبقى متوتر جدا

واول ما يشوف ان تعبه راح على الفاضي بيتجنن

الحـــــــــــــــــــــــــــــــــــــــــــل

يسهلوا الامتحانات شوية

او يستنه كمان كام سنه
عشان الناس تطفش ومتخلش عيلها المدارس

وزاره التربيه والتعليم عايزين يموتوا الطلبه

افشل وزاره في حكومه مصر

حسبنا الله ونعم الوكيل

انا بقول ان الشخص اللي كل حياته مذاكرة شخص تافه

والبلكونه اولى بيه

في الدول المتقدمة بيسمو العينه دي book worm
يعني دودة الكتاب

اعمل اللي عليك وربنا يسهل
بس مش معنى كده تنتحر
او تقعد 24 ساعة تذاكر

لو حفظت الكتاب من الجلدة للجلدة
او حفظت الحاجات المهمه
ايه الفرق ؟؟؟

طيب ماشى

و على كدا هتدخل كلية اية ؟؟

و هتتأدم لوحدة عشان تجوزها ازاى ؟؟

و هتعيش كويس ازاى ؟؟

دا مستقبل يابا

والله انا من وجهت نظري

مصر لو سهلت الامتحانات شويه

والطلبه زكروا شويتين هيحصلو علىاعلى المجميع

مهو في ناس نجحوا وجابوا مجميع على نفس النظام

ده يعني مش عارف العيب في التعليم ولا في الطالب

ولا يمكن ده عشان عوزين يأللوا عدد سكان مصر من

انتحار طلاب الثانويه العامه

تحياتي

$المـــ ح ـــب$

طيب شوف يابارتيز انا هتفلسف ...
اول حاجه ليه امريكا و هنا وعندكوا و... مش كده؟؟ عشان الناس دول الشغل جاهز ليهم يعني يجيب الي يجيبه في الاخر هيشتغل وبعدين هيقدر يجيب فلوس يفتح بيه بيت من اي شغلانه وكل طالب عارف هوه عايز يكون ايه يعني الي عايز طبيب هيكون طبيب والي عايز سباك هيكون سباك وبيحترموا شغلانته بس عندنا الشعب المصري كلهم عايزين يبقوا دكاتره ده الواحد يمشي في الشارع مبيشفش العمارة من كتر اليفط الي عليها بتاعت الدكاتره ...
يعني زي هنا في وحده كانت معايا جابت نسبة 70% والبنت فرحانه ومبسوطه وكانها جايبه 100% وعملت حفله في قاعه ... انا استغربت بس بعدين عرفت ليه وقلت انا عندها حق ...
هنا الي يجيب نسبة 80 % يدخل كلية طب وده الي يتقال عليه دحيح هنا .... بس في مصر معقدنها الي عايز يشتغل شغلانه محترمه الي المفروض تكون طب في مخ كل المصريين يجيب 99 .. 98% وباقي الشغلنات زباله ورواتبها قليله ...
عشان كده كل الي في الثانويه عايزين يدخلوا طب عشان يقدروا يتجوزوا ...
فبيموت نفسه في المذاكره .. وبعدين فوق ده كله الوزارة ربنا يخليها مش سايباهم ... امتحانات زباله ... يعني مش عايزنهم ينتحروا ده الانتحار اقل حاجه ... بس هو مفيش حاجه تستاهل الواحد ينتحر عشانها ... المصريين مزودنها شويه ..

شوفى

اصل فى مصر

مفيش فرص عمل

يعنى حتى لو طلع دكتور مش هيشتغل

بس عشان يتقدم لوحدة
لاوم يكون معاه شهادة كويسة

و اى اب عايز يجوز بنتوا لدكتور
الغلط فى الشعب

مش فى الطالب بس

الناس دي لازم يتعلموا من بارتيز
لما جاب درجه وسخه
اكتفى بانو يقفل موبايلو

مين يصدق اني لحد دلوقتي ما اخدتش شهادتي ؟؟؟

اهههههههههههههه ربنا مع الناس كلها
بس موضوع جامد يا صاحبى