ولاعه وسيجاره ... ودماغ زى الجزمه

ولاعه وسيجاره ... ودماغ زى الجزمه

عفوا مش مقصود نغلط فى دماغ حد ابدا بس ليه مانتكلمش بصراحه
دالوقتى الشاب من وهو فى اعدادى وتلاقيه ماسك السيجاره.... يابنى يهديك يرضيك غلط مضره طاب حرام وهو دماغه مافيش فايده
ولا تلاقيه يقولك ايه انت مش فاكرنى راجل ولا ايه ؟؟؟ ياعم يخليك الرجوله
ان تبقى السيجاره والولاعه فى ايدك وتكسر السيجاره مش تحطها فى بقك ابدا
وهو دماغه حاجه صعبه خالص
ممكن يقولك طاب ماكل اللى فى سنى واصحابى
كلهم بيشربو .... ده انا اعرف ولاد بيحششو احمدو ربنا انى بدخن بس ؟؟
بصراحه جامد ياابنى ... طاب وانت مالك كل الناس بتعمل حاجه غلط ده مش مبرر
انى اعمل غلط خالص خلى عندك شخصيه وهات اصحابك معاك للصح
او ده يعنى
الغلبان المظلموم ممكن يقولك اصل انا مريت بظروف صعبه وحببتى مشيت وسابتنى
وانا بشرب واتعود على كده ولما اجى ابطل اصحابى هيوجعولى دماغى ........
لا ياراجل من امته نعالج غلط بغلط ومن امته الشباب بيبيع مبادئه عشان صدمه
فى حياته ..؟؟ طااب ياعم ارفض ابعد واحده واحده ......وهومافيش دماغه مقفله
او بقه تلاقى اللى يقولك طاب وايه يعنى مابابا بيشرب........ طاب منتا كده
عملت زى اللى كفرو لما قالو نعبد اللى عبدوه ابائنا ومع ذلك ده مكنش مبرر
ادام ربنا وتوعدهم بالعذاب يعنى ده مش مبرر....... وهو دماغه لفه شمال
او تلاقى الجاهل اوى بقه اللى فعلا تبقى عايز تمسك الولاعه وبجاز تولع فيه
اللى يقولك (هاتلى آيه ولا حديث تقول ان السجاير حرام ) طاب ياعم ربنا
بيقول ((( ولا تلقوا بأيديكم الى التهلكة ))) ومن ده كتير وبعدين فى فرع
فى الدين اسمه القياس وبعدين اسال العلماء...... تعد تقنعه وهو مافيش
دماغه زى الجزمه
ياشباب قولولى ايه طعم السجاير ولا ايه المتعه فيها
طاب لو فيها متعه كبيره.. مش هيبقى اكيد اكبر من ضررها من كل خليه بتموت
فكل نفس ياما ستات الجنين بتاعها بيموت ويتوقف نموه بسبب ان زوجها بيدخن
ياما ناس الاوعيه الدمويه اتسدد بسبب السجاير
طاب لو مش مقتنع .... كلمه اخيره بقه مافيش اجمل من انك تقول يارب انا مش مقتنع بكل الكلام ده بس انا هبطلها بس عشانك

مافيش غيرك هيمنعنى انت وحدك وبس .....يلا بقه

جرب كرم ربنا

((الاعتذار عن الكلام بطريقه الشباب بس لانها الطريقه الي سهل يفهموها
عفوا عن العنوان وبعض الالفاظ))

منقول لتعميم الفائدة

والله يابارتيز كلامك صح 100/100
ونفسي جميع كك الشباب يبطلوا الزفت اللي اسمها سيجارة
دي بلوة من بلاوي الزمن ده
‏ ‏

وانت واحشني اوي يابن بلدي
ياجامد

ليثى حبيبنا

وحشنى والله

اوعى ياض تشرب سجاير

او تلعب بوكر و تشرب جون واكر

حافظ على نفسك

الله يا بني

و الله كلامك كله حكم

كلامك مضبوط ميه الميه

الله ينور يا باشا

تحياتي......

انا كاتبة عن تجربة والله

و ياريت تنقولة فى منتديات تانية

لتعميم الفائدة

كلامك جدا مقنع

والله شبابنا نافع ويقدر يقدم كتير بس والله نقصهم التوجيه

يعني بدال امه ما تبهدله في البيت وابوه يمنع عنه المصروف يخدوه بالسياسة

بدل ما يروح عن شيخ متشدد ويقله حرام وعقابك ايه ومش عارف ايه يروح عن شيخ
يفهمه بالعقل

وبعدين انا شايف ان الدور الاكبر في الاصلاح هو الشباب نفسه
علشان هما الي يعرفه يقنه الي في سنهم

اشكرك على الموضوع