الدعاء حاجه جميله جدا

السلام عليكم ورحمه الله وبركاته
اهلا بكل من شرف ونور ودخل موضوعى وهدفه يقرا ويستفيد ويعمل
النهردا موضوعنا عن الدعاء الدعاء ده شئ جميل جدا بين العبد وربه يااااه لما تطلب حاجه وتعملهالك
وياما طلبنا من ربنا حجات بالدعاء وعملهلنا بس الشيطان نسانا ان ده من فضل ربنا علينا
علشان مندعيش تانى
(ياعبادى كلكم ضال الا من هديته فاستهدونى اهدكم ياعبادى كلكم عار الا من كسيته فستكسونى اكسكم
ياعبادى كلكم جائع الا من طعمته فاستطعمونى اطعمكم .................)
ربنا قال (ادعونى استجب لكم ) يعنى ايه الايه دى فيها وعد
ادعيه وهو هيوعدك انه هيستجيب لك كأن ولله المثل الا على واحد بيديك سلاح ويقولك
امسكه فى اى حد هيموته
فى حديث تانى قال رسول الله صلى الله عليه وسلم (الدعاء هو العباده )يعنى الدعاء عباده عظيمه جدا
فى حاجه كده جميله تحسها وهى انك قريب من ربنا بيحبك وتحبه
يعنى ذل وخضوع وتذلل اصل ممكن تصوم وتصلى ومتحسش باحساس انك عبد لربنا
اكتر حاجه هتحس انك عبد لما تتدعى ربنا قوله يارب انا خايف انا مكروب انا زهقان انا مش قادر انا نفسي اتغير واغير
انا خايف ابعد عنك بعد رمضان ...................
شوف كمان الرسول بيقولك ايه (من لايسأل الله يغضب عليه )
شوف اد ايه يعنى دا ربنا يزعل منك لو مقولتلوش انا عايز وعايز
طب مهو انت لو مدعيتش ربنا ربنا بيقولك انت هتكون مستكبر يعنى ايه عايز تقولى انك
معندكش مشاكل مش محتاج اى حاجه اكييييييييييييد فى حجات كتير محتاجها بس اقعد مع نفسك وركز
وكلم ربنا مش لازم لغه عربيه ولا لازم كتاب كلمه ناجيه
حاجه كمان الرسول بيقول (ان الله يحب الملحين فى الدعاء )
قوله اللهم انى اسالك بضعفى وقوتك بفقرى وغناك بذلى وعزتك
ياعم الحج الدنيا ملياااااااااااانه طلبات
يستحى ان يرفع العبد يده
تعريف الكريم هو : ان يعطى دون ان تسأله فكيف اذا سالته
نيجى نشوف ادعيه الانبياء فى القران
سيدنا سليمان فى عهده مكنش فى تكنلوجيا خالص ومع ذلك دعا
(رب هب لى ملكا لا ينبغى لاحد من بعدى ...)
سيدنا ابراهيم قال (رب اجعل هذا البلد امنا )الدعوه دى بقالها كم سنه
طول ماربنا هو ربنا مفيش دعوه مش هتستجيب
قال عمر بن الخطاب (انا لااحمل هم الاجابه ولكنى احمل هم الدعاء )
(من فتح له بابا الدعاء فتح له باب الرحمه)\
هى قضيتك الدعاء انك تفتكر علطول يعنى هيستجيب هيستجيب متخافش دا ربنا وعدك
انت مش مصدقه ولا ايه
انت مثلا لو بتكلم واحد بيقولك بعد اذنك انا عايز وجه واحد فى النصف عايز يكلمك مش هتقوله استنى شويه
ربنا بقى السميع يعنى يسمع كل العالم فى لحظه واحده
سبحان الله
هديلك شروط لا جابه الدعاء لو عملتها ايقن تماما ان دعواتك هتستجيب
1 اليقين فى الاجابه انت موقن ومتاكد ان ربنا هيحققلك الدعاء ده
قال رسول الله صلى الله عليه وسلم (ادعوا الله وانتم موقنين بالاجابه )
2 الخشوع فى الدعاء يعنى اخشع قول يارب بقلب صادق
قال رسول الله صلى الله عليه وسلم (ان لايستجيب من قلب غافل )
قال عمر بن الخطاب (اعلم متى يستجاب دعائي اذا خشع قلبى ودمعت عينى ........)
3 عدم الاستعجال متستعجلش وانت بتدعى ادعى كل يوم
هتقول انا دعيت كتير وربنا مستجابش قد تتاخر لان ده مش وقت الحاجه دى
او تكون لو جت تبقى شر ليك او يكون ربنا نفسه يسمع صوتك كل يوم
4 اكل الحلال :اكل وشرب ولبس لازم يكون حلال مش متاكد تصدق كل يوم صدقه اعمل عمره
5 دايما تيقن اوقات الاجابه
6 بس انا كده انتهى موضوعى ونفسي اوى اسمع دعوات جميله منكم واتمنى تشاركونى فى موضوعى
واى اضافه او تعديل اوك
الدعاء هو العباده متنسوش دى
افتكر ربنا فى الرخاء يكون معاك فى الشده

موضوع جميل و يشرفنى ان اكون اول واحد يرد علية

بس انا بحس انى مقصر جدا فى حق ربنا

عشان كدا بكسف ادعى او اطلب من ربنا

جزاك الله الف خير على الموضوع
اما بالنسبة لـ

Barthez كتب:: عشان كدا بكسف ادعى او اطلب من ربنا

ان الله تعالى يستحي اذا رفع عبده يده للسماء ان يردها صفرا خائبة
اطلب من ربنا كل الي انت بتتمناه ولازم تتوقع الاجابة علشان ربنا يستجيب
ارفع ايدك وادعي وانت حتلاقي رب كريم ورحيم

محمد الشرقاوى نورت موضوعى شكرا جدا لمروك الرائع

بارتيز : انت ردك برئ سبحان الله انا كده حسيته وانا والله بسعد لما بترد وتقرا مواضيعى
المهم هرد على سوالك
انت لو طلبت من الناس حاجه بتكون محرج تطلب خايف تتقل عليه
صح لكن ربنا سبحان الله مالك الكون كله
بيده خزان السموات والارض قادر على كل شئ اطلب منه كل حاجه
الصحابه لما كان الحذاء اكرمك الله يتقطع كانوا بيدعوا ربنا انه يتصلح
يعنى يسهلهم انهم ايه يتصلح ويبقى كويس وهكذا ف
فأذن كل حاجه عاوزها اطلبها من مالك الكون كله
فى حديث فيما معناه لو اجتمع الناس كلهم فى صعيد واحد وكلهم طلبوا كل واحد اللى هو عايزة مانقص ذلك من ملك الله شئ
يعنى اى حاجه تتخيلها
اهم حاجه تدعى بالهدايه والسعاده ويرزقك الفردوس الاعلى من الجنه
ويجيرنا ويبعدنا عن النار
يعنى شوف ربنا بيقول ان الذين يستكبرون عن عبادتى يدخلون جهنم داخرين
يعنى بيقولك ايه يعنى انت مستكبر تدعينى يعنى ربنا يزعل لو انت مطلبتش منه
ربنا لو اخر الدعاء يعنى هو عايز يسمع صوتك شوفت حلاوته
يااااااااه لو تدوق طعم الدعاء لذه رهيبه فى القلب
اطلب ربنا وكلمه عادى واحكيله شوفت يارب حصلى ايه ؟.........
انا عايز اتغير يارب اهدينى وارزقنى صحبه صالحه تاخد بأيدى للجنه
وربنا يوفقك
لازم تدعى دا مهم جدا الدعاء صدقنى هتقرب من ربنا اكتر وهيحبك اكتر
اللهم ارزقنى حبك وحب من يحبك وحب كل عمل يقربنى الى حبك
مقصر قرب اكتر منه وهو هيديك

شكرا يا زهرة على ردك الجميل

و تسلمى على النصيحة

و بإذن الله هقرب من ربنا و ادعيلة

و شكرا ع الموضوع الرائع دا

اللهم ارزقنى حبك وحب من يحبك وحب كل عمل يقربنى الى حبك

آمين

لاشكر على واجب
على فكره انا دااايما ادعى بالدعاء ده اللهم ارزقنى حبك وحب من يحبك وحب كل عمل يقربنى الى حبك

زائر

السلام عليكم انا قرات موضوع الدعاء وحبيت الموضوع وبتمنالكم التوفيق بس حبيت اقول ان لازم تلح في الدعاء للاجابه ولازم تعرف انه الدعاء سيستجاب لان الله تعالى قال ادعوني استجب لكم واتمنى ان يقبل منكم صالح الدعاء ويجمعنا الله في اعلى الجنان واطلب منكم الدعاء لي بزوج صالح كما اريد وشكرا

الف شكر يا سها

و منوره المنتدى كله

و تنوري في اي وقت

و الف شكر يا زهره عالتوبيك الجميل ده