15 قصيده لصلاح جاهين

(شــوفــى قـــد إيــــه)

يــا بخــت من يــقدر يقـــول
والــلى ف ضـميــره يطـلعـه
يا بخــت من يقــدر يفـضـفـض بــالكــلام
وكـــل واحـــد يســـمــعه
يـقــف فى وســـط النــاس ويصــرخ:آه يا نــاس
ولا مـــــلام
يـيـجى الطـبـيب يحــكى له ع الــلى بيـوجـعه
يـكشــف مكــان الجــرح ويحــط الدوا
ولــو انــكــوى
يــقــدر ينــــوح
وانـــا الــلى مليـــان بالجـــروح
مـــا أقــدرش اقـــول
مـــا أقــدرش ابـــوح
والسـهم يسـكن صـدرى ما أقـدرش انـزعـه
شــوفى قــد إيــه؟
احنــا النـهارده إيــه فى ايــام الســنه
شــــتـا ولا صـــيـف
وفيـــــن أنـــــــا
إيــه الــلى وصــلنى هـنــا
أنــا صــاحب البيــت ولا ضيــف
صــوتى انحبــس
ما أقــدرش أقــول
مــا عــرفش حــاجـه عشــان أقـــول

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@***

(زى الـفـــلاحـيـــــــن)

القـــمح مــش زى الدهـــب
القــــمح زى الفـــلاحيـــــن
عيـــدان نحيـــله جـدرهـــا بيـــاكـل فى طيـــن
زى اسمــاعيـــن
ومـحـمــديــن
وحسـين أبـو عويـضـه الـلى قاسـى وانضـرب
عــلـشـــــان طـــلــب
حفنــة ســنابـل ريــها كــان بـالعــرق
عـــــرق الجـــبـيــن
القمــح زى حســين يعيــش يــاكـل فى طـيـن
أمــا الـلى فـى القصـر الكبيــر
يلبــس حــريــــر
والســـنـبــلـه
يـبـعـت رجــالــه يحصــدوهــا من عــلـى
عــــود الـفـقـيـــــر

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@***

(تــــراب دخــــان)لــقـيـت فــى جـيـبى قــلــم.
قــلـم رصـاص طــول عـقــلـة الصــابــع
معــرفــش مـديــت إيــدى عــايـز إيـه ..راح طــالـع
أصـفـر ضـعيـف ضــايـع
ومـا بـيـن تـراب دخـان وقشـر سـودانى كــان مـدفــون
وكنــت مــاشــى لوحــدى فى الشـــارع
مــعرفــش رايـــح فــين لــكن مــاشــى
والـلـيل عـليــا وع البــلـد غـــاشــى
لــيـل إنـمـــا لـيــل اســود الأخــلاق
لـيـــل إنمــا عمــلاق
اســود ســـواد خنــــاق
اســود كمليــون عســكـرى بســتره خفــاشـى
وجـــزمــه ضبـــاشـــى
بـيــنظـمـــوا الســـهـره
الخـلــق يــا حـســــره
الخــلــق مــالهــاش خُــلــق لــلســهــره
الخــلـــق عــامـليــن زى عشــاق كلهــم مهــاجيـــر
ومــروحيـــن مقـــاهيـــــر
يـســتـنـظـروا بـكــره
مـقــهـور وأنــا مـــاشــى
أصـــل القمـــر قــــال جـــاى ومجـــاشـى
ع النيــل مــاجــاش.. وما جــاش كمـــان ع الهـرم..
لـفـيــت عليـــه القــلـعه لـفـيــت بـــولاق
قمـــرى لقيــته عَـــــدَم
لفــيـت عليــــه امبــــابــه والـــوراق
قمــــرى لـقيــــتــه محـــــاق
وعنـيـــا وقعـــوا من الســما ع الأرض
الأرض برضـــه محــــاق
قـهــــاوى ســوده من الهبــاب والهــذر
والراديــوهــات تـنــعـب نـعـيـب الجـنـون
يــــا ليــلــه من غـيــر قمـــر...
يــــا كحــل من غيـــر عيــــون
ولـقيـــت فى جيــبى قـــلـم
كـــأنـه واد مقــروض ومتــجـادع
قُـــزعــه لــكــن مــلـعــون
مَبــرى قـــوى ومســـنــون
تـقــولــش حيــخطط نظــام الكـــون
وأعمـــل بـه إيـه وأنـا مـاشــى فـى الشــوارع
أنــا كمــان قزعــه وكمــان ضــايــع
وكمــان عليــا تــلــول تــراب دخـــان .
يــا ميــت ندامـه عـليــكـوا يا صنــايـع
سبــع صنــايــع بــس آه يا نــدم
سبــع صنـايــع بــس آه يا زمــان...
ارســم لى قطــه يا بـابـا..
أرســم لـه قطــه بتـشتـغـل بهـلـوان
اكتـب لى اسـمى يا بـابـا..
أكتـب له اسـمه بخـط مرعــوش حنــان
اديـنـى قـلمـك يا بـابـا..
أديـلـه قـلـمى يـشـخبـطه ع الحيـطــان
وشيــلنى أوبــح يا بـابـا..
أشيـله على صـدرى كمـا الصولجـان
..كـان القمـر أيـامهـا طفـلى أنـا
وعليـه زَغـب نـاعـم كمـثل الطيـر
واخضـر كـأنـه لمـونه م البنـزهيـر
وكنـت اشـيـله وافرجـه لكـل حـى
اتـفـرجـوا شـوفـوا غـلاوة الضـنا
والنـاس يقـولوا اسـم الله خـيـر والله خـيـر
يــا رب خليــه لــك
الرب خـلاه ..بــس مـش لـيــا
ضــاع القـمر مـنـى وانــا غفــلان
وصـبحـت يا إخـــوان
لابــد ما يتـشــحـتـفـوا عـنـيا
عـلـشـان أطـول منـه شـعاع مـن ضـى
واديـنى مـاشى لوحــدى فى الشــارع..
مـعرفـش رايـح فيـن لكيـن مـاشـى
والـلـيل عـلـيا وع الـبلـد غــاشى
ولـقـيـت فى جـيـبـى قـلـم ..
كتـبــــت بـه غـنـــوة عــــذاب.

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@***

(الأمـيـــــــــر)

المجـد للجنـدى الـلى من غيـر لبـس حـرب
الفــارس الـلى مـش عـلى صهــوة جــواد
الراجـل الغلبـان فى روحـه وعيشـتـه كـرب
لكـن أميـر عـاشـق بروحـه ودمـه جــاد

عـاشــق بروحــه ودمــه جــاد وكــان أميــر
وكــان ولــى العـهـــد فى الكــون الكبـيـر
الصـولجــان مـكـتـوب بإســمه فى الديـوان
والوحــش والغــزلان بإســمه تســـتجــير

والنحـــل والعصـــافـيـر تجـيـله تـكـلـمه
أنـبـل أمـيـر أسـاطـيـر خـيـالـك يـرسـمه
السـحـاريـن سـحروه صـبح عتـال فقـيـر
شـيـل الحـمـول يحـنيـه ويـوشـك يـهدمه

عتـال فقيـر فى السـوق يسـير محـنـى البـدن
حكـمـوا عـلـيـه يفضـل كــده طـول الـزمــن
لحــد مــا ف يــوم دق بــاب قـلبــه الهــــوى
وكــان هــواه وغــرام صبــاه هـــو الوطــن

لـمــا انضــرب بالنــار عـلى المتــاريــس ومــات
بصــديــرى بلــدى وبقـمـيـــص مربـعـــــات
مــالـت عليــه الحـلــوه بـلــدة ودمـعــــت
والــدمــع زى الـــدم يعمــل معجـــزات

الدمـــع فــك الســحر والأمـــر إتـضـــح
وعـــرفنــا ميـــن هــو الطريــح الـلى انطــرح
وفــوق جبـيـنـــه الـلى بقــى ف وش الســمــــا
زالـــت خـطـــوط الهـــم وارتـســـم الـمـــــرح

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@*

( المقــــابــر )

باحب المقـابـر وامـوت فى التــرب
هنـاك زى حى الغنـاى فى الهـدوء الجميـل
هنـاك زى شط البحـور فى النسيـم العليـل
هنـــــــاك العجـــب
هنـاك تمشى تسـمع لرجليك دبـيب عـالى يرضى الغـرور
هنـاك كـله راقـد مفيـش غـيرك انت اللى واقـف فخــور
وأمـــــا الزهـــــور
هنــاك بالمقــاطف على الأرض يا مسروقة يا بتـحتضر
تجيــب أدوات العطــور
وتصنعهــا عطـر اسـمه مثلا :عبـير العــبَـر
تبيــعه وتكســب دهـــب
وتدهــس علـى العضـم وتقـول كــلام فلســفة
وتمــلا كتـــب
ده غــير الثــواب اللى تقــدر كمـــان تكســبه
من الفاتـــحة ع الميـــتيـن
فمنـهــا عبــادة ومنهــا إسـتفـادة ومنهـا أدب
لـهــذا الســبب
بـــاحب المقـــابر ...لكــــن
بعقـــلى الرزيـــن
بـــاحب البيـــوت واللى فيـــهم زيــادة

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@***

( اتـنـيــــن صبــاحــاً )

النـــور ملــو الشـــــوارع
ومليـــون راديـــو والـــــع
السـاعــة اتنـيـن صبـاحــاً
لـكـــن إيــه المـوانـــع
الخـلـــق رايـحـه جـايـــة
والدنـيـا لـســه حـيــة
مليـــانـه بالهـــأو أو
وزعيـــق القهــواجـيـــة
واحـــد يقـول لواحــــد :
خليـــك يـا عـم قاعــد
التــانـى يقــول له : شكــرا
ده أنــا م المغرب مواعــد
فيـه سهــره لسـه عـنـدى
فى بيـــت فـلان أفنــدى
ح ناكــل حاجــة حلــوة
ونشــرب تمـر هنــدى
واللـى تروح دالقــه جـردل
فـوق حضــرة المبجــل
طبعــاً صاحبنـا يزعـل
وينـفجــر شتــايـــم
والحى كلــه يوصــل
ما بين مصــلح ولايـم
اللى يقـــــول :
يا جمــاعه
واللى يقـــول : يا بهــــايم
ومطرب الإذاعــة
يصـرخ وف وجـده هــايم
ولو طرطـقـت ودنــك
فى وســط دى العظــايم
تســمـع مســحراتـى
بطبـله صــوتهــا واطى
بيقـــول :
اصحـى يا نـــايـم

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@*

(بــــاليـــه)

وبنت أم أنــور بتــرقص باليــه
بحيــــرة البــجـع
ســـلام يا جـــدع
ســلام عالإيديــن اللى بتقــول كــلام
سـلام ع السـيقان اللى مشــدوده زى الوتـر
ســلام ع القوام اللى مليـان دلـع مش حـرام
حـلال زى نـــور القــمـر
ســلام ع النسيــم فى الشـــجر
وبنت أم أنـــور بتضــرب بســاقها الفـضا
وبتشــب وتلب وتنــط نــطة غضــب
ونطــــة رضــــــــا
وبتقـول بلغوة ايديهـا : اللى فـات انقـضى
.. حـقيــقى مضـى
كــات امــك يا بنـتـى
فى أزجــال معلمنــا بيــرم عليـه الســلام
ماتعرفــش تركـب سـوارس تروح الامــام
وتمشـــى .. تقــــــع.

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

( المــجتــمـع )

المجتمع ليام دى مسـكين , عنـده برد
مزكــوم , وحالتــه بالقــوا
فى الأجزخــانـه شفته بيجيـب الدوا
وســأل علـى منــاديــل ورق
وحشــر فى جيبـه منـها طــرد
أصلـه يا عينـى قبـل ما يروح الســبق
خد دُش سُـخن وتنـه خـارج فى الهـوا
بقـى ده كـلام ؟
مع إنـى يامـا قلـت له : يا مجتـمع
شـوف صحتـك , وما تفتـكرش إنـك جـدع
الجـو بــرد مـش تمــام
بــلاش أمــور الشــيطنـه
بــلاش دلــع
واوصـف له حـالة الجو تـانى وانـصحه
يقــول لى : سيبـك . جو إيــه؟
بونجــور يا بيـــه
ما تقـول لمصلحـة السيـاحه تصلحه
آدى يا ســيدى المجتـمع.

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

( فــــزورة )

حزر فزر .. واحد " مســتر "
يصحـى من النوم وشــه مزنـهـر
يشــرب فيتاميـن قبل ما يفطـر
يفطـر زبده وفيـنـو مقمـر
ومربه وبيــض بكـذا محمـر
ثم القهـوه لجـل يعمـر
ثــم لبــانة ثــم يعفــر
ثـم يقوم لك كـده يتـمخطر
يكبـش أوراق لونـهم أخضـر
أكـوام أكـوام آخــر منـظـر
يملا جيوبـه ويمشـى يفنـجر
يركـب "كاديـلاك" طالـعه تزمـجـر
يشــرب ويســكى ملو الأنــجـر
ولا عنــده همـوم ولا متـعكـر
وف حضـرتـنــا مـش بـيفــكـر
وإن جـت ســيرة لا يتـذكـر
أصــله ف نفســه ومش متبـحّر
ولا يعجبهـوش اللـون لاســمر
غيـر فى البـدله لمـل بيســهر
إنمـا خفــه ودمــه دا ســكر
مين بقـى هوه؟.. مش راح أفســر
واضـح جـدا.. حزر.. فزر

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**
(رد......)

الشــارع قــال لـلحــاره :
إخـيـيـيــه
ريحـتـك طعـمـيـه وفــول وبـصــارة
آيـيـيــاه
كـل بـيــوتــك بُـغـدادلــى
مــا فـيـهــاش تـكيـيــف
وبـيـبانـك نـازلـه لتحـت بـدل مـا هى طـالعـة لـفـوق
ولا حـتـى لـيـكى رصـيـف
سـتـاتــك بـلـدى وليــل ونهــار ع العتـبـه
قـاعــديـــن كــده جـــوق
رجــالـــتــك نكـتـــه وعَجَـبـــه
ولا يـعـــرفـــوا ذوق
وعيـــالــك دول
نســـانيـــس مقــاصيـــف الرقبــة
.............
الحــــارة ردت رد ....
خــــلى الشـــارع يـنـســـد.

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@*

(مـــرحــــــب)

بــاكـلم النــاس كــلهـم مـن هنــا..
وبــاقـول لــهم ولـلحيــاة : مـرحـب.
ودى كـلمــة يـامـا اصعـبهــا يـامـا اصعــب
لــو تـنـطلــق مــن هـنــا
م الصــدر مــن ع الشــمال
مـن قــلب شــال أحــمال مهيــش هيـنـــه..
يــا قــوة الله ..
أحمــال جبــال فى جبــال يــا ولــداه
مـولـود بهــا ؟.. ولا رمــانى البـيـن ؟..
أعــرف مـنـيــن!
جــانى حكيــم واتـنـيــن يا صــاحبى
جــانى حكيــم واتـنـيــن
حكيــم يقـــول : ده الهــم
وحكيــم يقـــول : يــا عـم
دى خلقــة ووراثــة عـن الوالـديــن
ومنـيـن أزيـح ده كلــه من قـلـبــى..
قــالوا : الـلى مكتــوب ع الجـبـيــن لازم تشــوفــه العـيــن !
جبـيــن وعـيــن مـيــن بـس يــا جـدعــان؟ ..
مـفـيــش إيديــن لـلجــان عشــان تكتــب
مـفـيــش إيديـن غيــر بـس لـلإنســان
هــو الـلى ويــاه القـلــم
يكتــب بيــه ويمــلى
ومـفـيــش جبيــن مكتــوب عليــه طلســم ولا قســم
اتخــط واتـرســم
ومفـيــش قــدر ع الخلــق مـتــولى ..
قلبــى الـلـى شــال أحمــال جبــال ابتســم
وقــال : زيــاده عـلاده يــا خــلى
مكتــوب علـى جـبـيــن الزمــان كلمــه
كـتـبـتـهــا إيـــد إنســــان:
" أســــــوان "
أســـوان أيــا أســـوان
جـيــت لــك وأنا أســيــان
وأســايــا مــالــه حــد ..
جيــت لـك حـزيــن وجـريــت عـلى المطــرح
مطــرح مـابـاجـى كــل عــام أفــرح
بـالســد زى الــورد بـيـفـتــح
وســط العـــرق والجـــد
وســط الغبــار والبــرق والدينــاميــت
والانفجـــار والرعــد والجـرانيـــت
نـــازل كتـل كتـل كتـل حتــاحيــت
والكـراكــات جنــب الجبــل كتــاكيـت
بيـنـقـــروا الفـتـــافـيـــت
أعــوذ بالله م الكــابـوس المـقـيــت..
حـسـييـت كــإنى قمـت مـن تحـت الركــام وحـييـت
وبـالأســى بينــزاح عــن قـلبــى
والكبــاشــات بتنــاطــح الجـلاميــد وبـتعبـى ..
حســيت بــإنـى عليــت
عـلـى كــل أحـزانــى
مـع كـل مـدمــاك يتـرفــع فى الســد والتــانى
وطلقــت شِــعرى ويـا صفــارة العمــل .. زغــاريـت !
مســنود عـلى صـدرك يــا أســوان أنــا ..
وبــاكلم النــاس كـلهــم مــن هنــا ..
وبـاقــول لهــم ولـلحيــاة مـرحــب !

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@*

( صـديـــق عـمـــرى )

عشــريـن ســنـة
عمــرى أنــــا
أنـــا العجـــوز الشـــايـب الحـــزين
أنــا العجــوز مــن غيــر مـا تمـضـى الســنيـن
أنــا العجــوز مــن قـبل ســن الأربعيــن
عمــرى النهـــارده
رغــم المـــرار ده
فــى عمــر ورده
عشــريــن ســــــنه
كـانـلى صـديـق وكــان حبيــب عمــرى
هــو الـلى عـلمنـى المـشــيـب بـــدرى
حـضــرت مـولــد كــل شــعرايـه بيضـا
عـبــرت ســوالـفــه كمــا الشــهـاب تجــرى
كمــا بــرق ســيف الحــق فــى الهيضــا
وســط الظــلام تــبرق هــلال هجـــرى
تحســب تـاريــخ الكــون حقيقــة ومجــاز
كـالأبجديـــة بــالقـلم لــردواز
بـالشــعر لابيــض كــان يعـلمنـى
أســتاذ تــاريـخ وفــى التــاريـخ أســتاذ
قــابلتـه مــن عشــرين ســـنة وكـلمنــى
وانــا لســه بــاحبــى فـى الظــلام
عـلمنــى مشــية الرجــال
سـلمنــى رايــة النضــال
ولحــد هــذا اليــوم .. بيـلهمنـى
وخيــاله كــل مـا اقــع يقــومنـى
وكـل ما اتبعتــر يلمـلمنـى
وانهــض واقــوم بأمــل جديــد
وبقلــب أقــوى مــن الحــديـــد
وليـــد.. عجـــوز.. شــايب.. حـزيـــن
وعـمــرى عـشـــريـن ســـنـة

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

( المـــــوتــــى )

فـــى صفحـــة المــــوتــى
بيكـلمـــونـى كــل يـــوم الصبـــح
بصــورهــم البــاهتـــة
بعيـــونهــم الثـــابتـــة
بيســـألــونى كلهـــم إمتــى
ح تنطبـــع صــورتك كمـــان
انتــــا ..
هنـــا زينــــا فى صفحــة المـــوتى ؟

حبـــايـبنـــا يـــا غــــاليـيـــن
محنـــاش ح نتـــأخـــــر
الــدور ح ييــجى والمصيـــــر محتــــوم
يــالـلى صــورتهـــا بطــرحــة الـزفــــه
ده حكـــم من قبــل الوجـــود محكـــوم
يـــا اتنيـــن عجـــايـز : حـــاج ومقـــدس
صــورتيـــن بـلاســـه والجبيـــن مهمـــوم
يـــا مغتــــرب
يــا صـورة طــالعــة مـن جــواز الســفر
يــا رســـم علـى وش التـــابوت مرســـوم
فــى حفــايــر الفيـــوم ...

وحفـــايــر الفيـــوم
جبـــانــة مــن الزمــن العـتـيــق
مشـــهـورة بــالصنــاديـق
وعليـهـــا بــالألــوان صـور مخــاليــق
كـاهــن.. مـراكـبـى.. سـت بيــت.. تــاجـر
بـنـيــه حـلــوه.. عسـكـرى.. شــاعـر
صــور بشــر أيــامهــم إنحســـرت ..
مــدايـنهـم انــدثــرت
تــوابيتـهـم انكســـرت ..
مـافضــلـش منهــا غــير وشـــوش
بـيـبـصــوا نفــس البـصــة
وبيحكــوا نفــس القـصـة
مـســتـغرقيــن فــى المــوت بـلا غصـة
وفــى الخــلــود رايحيـــن ..
زى الـلـى فــى الجــرنـــال
فــى صفحـــة المــوتـــى
قــلــت الشـــبه مـــن أيــــن يتــــأتـى ؟
قـــالـــوا عشـــان الكـــل مصــرييـــن.

الكـــل مصــرييــن الكـــل نفــس الهـــويــة
نعـــى المطــارنــه جنــب نعــى الشـــيوخ
طــالبيـــن ســـوا الرحمـــــة الإلهيــــة
طــالعيـــن ســــوا أمجـــاد ســـماويــــة
فــــى وحــــدة أبــديـــــة
مـــا تعـــرف الطــايفـــة المســـيحـية
م الاســـــلاميـــــة ..
تشـــــهـد صـــورهـم جنـــب بعضيــــهـم
فـى الأعمــــدة الســــودة البكـــائيــــة
بـــإن دى .. هــى ديـــــا .

بــاحـكـى عـــن الموتــى ومـلــك المـــوت
يحصـــد أمـم ويـــدرى فــى الملكــــوت
يقعــــوا كنـــدف التلـــج غيـــر مســــموعيــن
أو كالجبـــال يقعـــوا بــأرعبهــا صــوت

بـــاحكى عـن المــوتـى فــى شتــى العصــور
وبـــاقـول عليهــم ألــف رحمــه ونـــور
مـــش بـاحـكـى أبـــداً عــن أمــل دنقــل
لأنــه عــايــش رغــم ســكنى القبــــور

قـــالوا فى الأمثـــال .. الـلى خــلف مـا مـاتــش
وعــن أمـل يتقــال .. الـلى ألــف مـا مـاتــش
وســـلام عـلى الـلى فى صفحـة المــوتى
وســلام عـلى الـلى فى صفحـة الأحيــــاء .

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@*

(بـحـــــــرى)

آخـر النهــار هفهفـت نســمه عـلى الميــه
بعــودا ليــام عـلى الجدعـــان وعـليــا
يا صيــاديـن القـاروص صيــد القــاروص غيــه
رمــى الشــبك ع الســمك يــلزم له خــفـيه

طرحــت طـــرحه لقيـــت فى الطـــرحه جنـــيه
ونزلتـــنى القــــرار صــــرخ الشبـــــار فيا
إرمـى الشــبك ع الســمك يــا واد بــحنيه

لادق ع البــاب واقـــول للحـــلو يا جـــارى
رمـــى الشـــبك صنــعتى والصــبر دا كـــارى
أصبــر علـى الرزق لمــا تمتــلى بحــارى
وأصــبر عــلى العشــــق لمـــا تنطــفى نـــارى

يا ميـــت ندامـه عـلى الــلى البــحر ما ادّالــه
مفــتوح علـيه الحنــك والكـــف ما ادّالــــه
عــدى الشـــطوط والخــطوط اللنـــش عـــدى لـه
غــفر الســـواحل يا صـــاحبى مســـــتعدالــه

أنــا مـذهبى الصــبر واصــبر حتـى علـى تـــارى
واطــعم شبــاكى وصنــارى بصبـــارى
أنـــا اعــوم عــلى الصــبر لمــا اوصـــل لأوطــارى
والصبــــر دا مركبـــى والقَـــلع والصــــارى

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

(لاجــــــــــئ)

حــابـس ضنــاه بيــن ضـلـوعــه
يـــابـس وهـيـمــوت بجــوعــه
قـــاعـد مــايعمـلـش حــــاجـه
لابـــس هـــدوم مــش بتـــوعه

لاجــــئ قـــابلتــه فــى غـــزة
ولــه عيــون مشـمئــزة

راحــت فلســـطيـــن وراحـــت
البيـــارات لمـــا لاحـــــت
عـلـى التـــلال المــدافــع
وريحــة الحــرب فاحـــت

وفــى الصــفـوف الطــويلــة
جـرجــر عيــالــه النــحيلــة

شــيــع جنـــازة الوطـــــن
لحــــد لمـــــا اندفـــــن
والقــاتــل الوغـــد ســـاقـه
قـدامـــه مـن غــير كـفــن

ميــــت وقبــــره الخــــلا
والغســــل سيـــــل الفــــلا

الرمــــل يســــخن ويبـــرد
وهـــو هايــــم مشــــــرد
مع الطــــابـور الــلى رايـــح
إلـــى المصيـــــر المجــــــرد

وفـى الطــابـــور ألــف أســـــرة
وخمـســــين ألــف حســـــرة

حســــرة عـــذارى حــــزانـــى
ع الخــــوخــة والبــــرتقـــانــــة
اللـى الشبـــاب لم قـطفهـــا
والمـــوت خطفهــم خــــوانــة

يا ويــــل كعـــوبــك يا لميـــا
الرملــــه لســــعتهــا حاميــــة

الرمــــل ســاخــن بيكــــوى
خــــالد بيصـــرخ ويعــــوى
مجـــنون فى أول حيـــــاته
" يحـــرق ســــماه إيــش بســوى"

وتســـــتمر الجنــــازة
وللجبـــال إهتـــزازه

الحـــرب ســـحقت أمـــلهم
لمـــا صـــبح فى خيـــالهم
زى الرمــــال بيخوضـــوها
زى الطحـــين اللى جــــالهم

من الإيديــــن الســـمينـــة
الــلى رمتـــهم رهيـــــنة

عـلـى الرمــال كومــوهـم
تحــت الســـيول نيمــوهم
وكممـــوا معيـــن بسـيسـو
من بعــد ما كمـمــــوهـم

علشــــان معيــــن المنــاضـل
بيقـــول يا ويـلـك يا قــاتــل

يا معيـــن يا صــوت الضحــايا
إرعــد بصـــوتــك معــــايا
إرعـــب عـــدوى وعــدوك
راح ننتــصر فى النهـــايه

خلى الـلـى حـابــس دمــوعـه
يبــكى بفـــرحة رجـــوعــه

لـلبـيــــارات الحبـيـبــة
بـعــد الرمـــال الرهـيـبــة
اصــرخ فى شـــعبــك وقـــــول لــه
ســــاعـة خـلاصــــك قريـبـة

انـهـض وكــافــح وطــهر
البرتقــــان راح يزهـــــر

@_@@_@@_@@_@@_@@_@@_@@_@@_@@_@@_@@_@@_@@_@@_@@_@@_ @@_@@_@@_@@_@@_@@_@@_@**

موضوع جامد جدا وشكرا

ميرسي على مرورك ياشعراوي نورت الموضوع