يعنى احنا زمايل

بســم الله الـرحمــن الرحيــم

السلام عليكــم ورحمـة الله وبركاتــة ،،

ازيكم يا جماعه يا رب تكونو بخير ديما

موضوع النهادره باختصار
بفسر يعنى ان انت ممكن يكون ليك زميله

او يكون ليكى زميل

انا هذكر بس شروط الزماله عشان ما يحصلش لبس لدى بعض الناس

شروط الزماله بين الشاب والفتاه
1\

وجود ضروره لازمه لذلك يعنى مثلا الدكتور يفرض على مجموعه معينه انهم يشتغلو فى مشروع واحد

مش واحد ياخد كشكول زميلته عشان ينقل محضره ويقولك دى ضروروه
يا حبيبى ما الكشكول مع ميت راجل ولا مش عجبينك

انتو كمان يا بنات لما حد يجى يلخد منك الكشكول ما تقوليش حرام انى ما ادوش الكشكول دى مجرد مساعده لا يا اخت يا فاضله لما يجى ياخد كشكولك قوليلو متاسفه اصلى محتاجه وبعدين ممكن حضرتك تاخدو من اى زميل ليك

2\ غض البصر يعنى ما يكنش البنت بتسائنى على الحاجه وانا لازم ابصلها فى عينها ولما تيجى تؤل لواحد ممكن تكلمها وانت باصصص فى ايك مثلا فى الناحيه التانيه يؤلك ايه دا دا كاد قلت زوء
يا حبيبى كل المؤمنين يغضو من ابصرهم
وكل المؤمنات يغضضن من ابصرهن

3\ عدم الخروج عن موضوع العمل او الدراسه
يعنى مش ينفعى نعد نحكى عن المتش بتاع امبارح والمسلسل الفلانى والمطربه اللى عملت دوفرها

دا مينفعش حتى نتكلم مع بعض فى الدين اؤلك ليه
اصل الكلام فى الدين حلو واللى بيتكلم فى الدين الناس بتحب تسمعو ودا هيخلى فى انجذاب بين الولاد والبنات
هتؤلى ما انت يالتكلم فى الدين هؤلك هو حد شيفنى ما يمكن انا بؤل كدا وانا من جويا حاجه تانيه

4\ عدم الاختلاط الزائد
يعنى زميلى مش زى زميلتى ما ينفعش اسلم بايد واعد جنبها
واخد شنطتها واخد نمرتها وهكذا

ومعلش طولت ربنا ينفعنا بالكلام دا

عرفنا بقى يا جماعه يعنى ايه زماله بين ولد وبنت

الزماله مش بس كده
انا عندي في الجامعه بتكلم مع بنات عادي وفي اي موضوع ولكن في حدود الادب والاحترام لكن ان انا ما أتكلمش معاها فده مش حرام واما بالنسبه للكشكول الاغلبيه عندنا في الكليه بيصوروا من البنات وده برضه مش حرام لانهم بيكتبوا كل حاجه وخطهم جميل ومنظم وده اللي يخلينا نصور منهم
اما حكايه ان انا اخد رقمها وكده ده يرجع لموافقه البنت نفسها
وشكرا عالموضوع الحساس ده

احب اقول حضرتك ان بالنسبه لموضوع الكشكول فى ولاد خطهم زى الفل مش لازم بس البنات يعنى
بالنسبه لموضوع اخد الرقم فده معلش ده الى قولك على حرام بجد اصل يعنى فى بردوه ولاد شاطرين تقدر تسالهم دى الحاجه الاولى الحاجه التانيه ان شووور الموضوع هيطور ولو بكلمه
انا معجب بيكى ,.......................شكرا لردك اتمنى تكون استفدت بجد