10 طــرق لـتـطـفـيـش الـزوجـة

10 طــرق لـتـطـفـيـش الـزوجـة

عزيزى الشاب.. إذا كنت متزوجا حديثا .. وشعرت بأنك أستعجلت فى زواجك .. او انضحك عليك من أهل عروستك .. وعايز تسيبها او تخلع منها .. من غير ما تتدبس فى مصاريف جديدة .. ليس أمامك سوى طريقة التزهيق والتطفيش التى يمكن ممارستها مع زوجتك .. حتى تسلم هى وتطلبك بحريتها .. دون التقيد بأى التزامات مالية .. وها هى عشر طرق سليمة وبسيطة وغير مكلفة .. يمكن استخدامها لكى تكنن على مراتك :
1 - صحى يوم جمعة بهمة ونشاط وجهز الفطار لزوجتك بس متنساش انك تستخدم 15 طبق واكبر كمية من الملاعق والشوك و5 حلل من اللى عندكم فى المطبخ و10 كوبيات لإعداد طبق بيض وسندوتش جبنة .. بس متنساش تراعى ترك أثار السمنة او الزيت على الأرض مع ترك باب الثلاجة مفتوح وقشر البيض فى الحوض .
2- ذا كنت بتتفرج على التلفزيون وهى عايزة تغير القناة .. قولها معلش الحلقة ده مهمة أوى واحد صاحبى شافها على قناة فضائية وقال لى أن الحلقة ده المسلسل كله .. ولوز كنت بتتفرج على ماتش كورة هيبقى الموضوع أسهل .. كل ما حد من اللاعبين يمسك الكورة قولها معلش ثوانى أنا حاسس أن الكورة دية جون .. حتى ولو كانت فى ليد حارس المرمى والماتش واقف لان فى واحد مصاب .
3 - فى الصباح وأنت ذاهب لعملك وهى نايمة تعمد إسقاط اى شئ ثقيل او خبط فى الباب بصوت عالى علشان تصحيها هى كمان .. اشمعنى أنت تصحى يعنى وهى لا ؟ ولو هى حاولت الرجوع للنوم مرة اخرى .. قولها مادام صحيتى حضرى الفطار بقى .
4 - فى يوم عيد ميلادها زين لها تورتة عيد ميلادها بخمسين شمعة رغم إن عندها 20 سنة بس اتحجج بضعف الانارة فى البيت وأنت بتبص على النجفة اللى عندكم اللى فيها 30 لمبة مع ابتسامة صفراء وخفيفة .
5 - لو مراتك عملة رجيم .. أجرى على السوبر ماركت ومحلات الحلاويات وأملى الثلاجة بالشكولاتة والجاتوهات والبيبسى وأكياس الشيبسى .. ويراعى منك التجول فى الشقة وأنت مستمتع بأكل الجاتوة وتلك الملذات أمامها .
6 - متنساش رأيك فى طبيخها .. لو عاملة لحمه قولها حلوة اوووى الفراخ دى .. ولو عاملة بامية قولها حلوة اوووى المولخية دى يا حياتى حطة عليها اية ؟ ولو عاملة كيكة قولها أنا أحب اشرب الشاى مع البسكويت ده .
7 - لو طلبت منك تنشر الهدوم .. قولها حاضر مع ابتسامة خفيفة .. وبعد ما تخلص نشر الهدوم .. ادخل عليها وقولها أنا نازل أجيب الهدوم اللى وقعت منى فى الشارع .. ولو سألتك هو اية اللى وقع ؟ اذكر كل هدومها اللى كانت مغسولة مع فردة شراب من بتوعك علشان متبقاش مقصودة منك .
8 - لو الزوجة قررت مسح ارضيات البيت .. حاول انك تروح وتيجى على المناطق المبلولة .. متحجج بأنك محتاج تتصل بواحد صاحبك مرة ومرة تجيب الجورنال .. ومفيش مانع انك تقول انك حاسس أن التليفون هيرن كمان شوية .
9 - لو كانت هى مشغولة فى نظافة البيت وطلبت منك غسيل كوبايتين الشاى بتوع الصبح الموجودين فى الحوض .. ارجعلها كمان دقيقة من دخولك المطبخ وأنت ماسك كوباية من الاتنين هى مكسورة واساها فى براءة ارمى ده فين .
10 - وأنت قاعد تتفرج على التلفزيون وهى طالع عينيها فى تنظيف البيت وبعد ما تخلص وتيجى تقعد تستريح جنبك .. بصلها وقولها حبيبتى معلش ممكن كوباية مياه علشان ظهرى بيوجعنى .
اتبع تلك الـ 10 طرق وادع لى .. وشوف بيتك هيبقى جنة ولا لا .

لا ياراجل ده كلام برضه
ده يابا خراب بيوت وطلاق
وكده