شويه نكت عن المساطيل بس حلوين

إثنين مساطيل قاعدين قدام مرايه
فالأول بيقول للتانى مين الناس دول ؟
قاله ماعرفش
قاله شكلهم مش غريب عليه
ماتيجى نروح نسلم عليهم
قاله يلا بينا
أول ماقاموا هما الإتنين
الأول قاله :
ولا بقولك
أقعد أقعد أهم جايين أهم
------------------------------------------------------
بيقولك واحد مسطول رجع بيته الساعة 3 بالليل اخته فتحتله الباب ، قام ضربها بالقلم وقالها " كنتى فين لغاية دلوقتى؟"

------------------------------------------------------

بيقولك مرة واحد مسطول ماشى فى الشارع لقى عمود متعلق عليه يافطة "شقة للايجار" فقعد يخبط على العامود ، عدى عليه واحد تانى قاله بتعمل ايه؟ قاله عاوز اجر الشقة اللى فوق بس الظاهر محدش هناك ، قام قاله لا ازاى النور والع فوق!!!!

------------------------------------------------------

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

------------------------------------------------------

مسطول مزور ورقة بنكنوت انما 10/10 مع ذلك مسكوه ياترى ليه ؟ عشان كان مزور ورقة بستين جنيه

------------------------------------------------------

مره واحد بيحشش بيقول لصاحبه امبارح جيت اسحب نفس قالوا لى ملكش رصيد

------------------------------------------------------

مره كان في اتنين مساطيل قاعدين بيحششوا فواحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح